Папулярныя біблейскія вершы з Isaya 65

Падзяліцца

Bayawutsi bangakangibiti, ngisabele, bayawutsi basakhuluma, ngive.

“Buka la, ngiyawudala emazulu lamasha nemhlaba lomusha. Tintfo takadzeni tingeke tikhunjulwe, futsi tingeke tisabuya nasengcondvweni.

Bangeke bashikanekele lite nome batale bantfwana labayawudliwa sehlakalo; ngobe bayawuba sive lesibusiswe nguSimakadze, bona kanye netitukulwane tabo.

Bangeke baphindze bakhe tindlu, bese kuhlala labanye bantfu kuto, nome bahlanyele, bese kudla labanye. Ngobe njengemalanga esihlahla ayawuba njalo-ke nemalanga ebantfu bami. Labakhetsiwe bami bayawutijabulisa sikhatsi lesidze ngemisebenti yetandla tabo.

“Kungeke kuphindze kube nemntfwana kuyo loyawuphila emalangana lambalwa, nome kube nelichegu lelingeke likhule lize likhokhobe. Umuntfu loyakufa aneminyaka lelikhulu ngebudzala uyawutsatfwa ngekutsi abesemusha, lowo longayiwufika eminyakeni lelikhulu budzala uyawutsatfwa ngekutsi ucalekisiwe.

Imphisi nelizinyane lemvu kuyawudla edlelweni linye, nelibhubesi liyawudla tjani njengenkhomo, kodvwa lutfuli luyawuba kudla kwenyoka. Kute lokuyawulimata nalokuyawuba yingoti kuyo yonkhe intsaba yami lengcwele,” kusho Simakadze.

Ngiyawutfokota ngeJerusalema, ngijabule ngebantfu bami, umsindvo wekulila newekukhala awuyiwuphindza uvakale kuyo.