Папулярныя біблейскія вершы з Nm 16

Падзяліцца

Palta tato ay junoc tas to mantalaj b'aj tzuji ol sc'ulej Jehová, ol spoj sb'a lum luum tic, axo eb' anima tic pitzanto eb' ol b'atcan eb' d'a yol luum yed' masanil tas ay d'ay. Tato icha chi' ol aj scham eb', ol eyojtaquejeli to ix spatiquejel Jehová eb', xchi vin̈. Ayic ix lajvi yalan juntzan̈ chi' vin̈aj Moisés chi', ix pax levnaj lum luum d'a yalan̈ eb' vin̈ chi'. Ix emcan eb' vin̈ d'a yol luum yed' yalyuninal smasanil. Icha val chi' ix aj satel masanil eb' junn̈ej ix aj spensar yed' vin̈aj Coré chi' yed' masanil tastac ay d'a eb'.

A vin̈aj Coré yuninal vin̈aj Izhar yin̈tilalcan vin̈aj Coat, d'a yin̈tilal Leví yed' oxvan̈xo eb' d'a yin̈tilal Rubén, aton vin̈aj Datán, vin̈aj Abiram yuninal eb' vin̈aj Eliab yed' pax vin̈aj On yuninal vin̈aj Pelet, ix meltzajoch eb' vin̈ ajc'olal d'a vin̈aj Moisés. Ix stec'b'ej sb'a eb' vin̈ smolb'an 250-xo eb' yetisraelal. A eb' vin̈ ix yac'och sb'a chi', yajalil chon̈ab' yaj eb' vin̈, ayoch eb' vin̈ sb'isuloc eb' vin̈ tz'ac'an slajtial junoc lolonel d'a yol chon̈ab' chi'.