Папулярныя біблейскія вершы з Ovaroma 1

Падзяліцца

Ame híme t̯a ohon̯i ondaka ombwa, mena lyokutya oyo i li odhonkono dhaKalunga, ndhimadhi hupitha omuntu auhe ngwaa itavela, olutenga Omujuda okudha mpoka Omugreka.

Iya ouvyuuki waKalunga mau hololoka mondaka ombwa, Kalunga hima ningi ovantu, va ile ovavyuuki okupitila meitavelo okudha komautilo katee komaandelo, omusonekwa ngahi mau tyaa: “Omuvyuuki ma ka kala nomwenyo mena lyeitavelo.”

Iya okudha keuto lyouye okuhamoneka kwaKalunga nodhonkono dhe dhaapehe noukalunga we wa teeka nawa, hau moneka movipuka mbyoka Kalunga mbyaa undapa. Iya ovantu kaava ulu okulipopila.

Iya nandaku tiwa Kalunga ve mu i, kave mu tumbaleke ngaKalunga, wo kave mu pandulile. Omalipulo awo a li vala oouhima, odhondunge dhawo dha dhiwelekwa.

Va pingathanetha otjatjili tjaKalunga novithithi, hiva kumba nokuundapela ovyuutwa poluvedhe lwokukumba kOmuuti, ngoka ngwaa thele okutumbalekwa apehe katee apehe. Amen.

Oluyuma lwaKalunga malu dhi meulu, halu ya okukondjetha omutomba okutomba Kalunga nouvi auhe wovantu mbava tjikila otjatjili nouvi wawo.

Iya Kalunga we ve yethela monkalo ndjimai t̯itha omuntu ohon̯i. Ovakadhintu vawo va lundulula onkalo yountu, va lala novakadhintu vakwawo hihatji li monkalo yountu. Ovalumentu nawo va yetha onkalo yountu yokulala novakadhintu, va lala novalumentu vakwawo hitji tilitha. Va yumanekwa noluyuma ndwee ve hulu. Iya nawo ngahi háva itavele ondunge yaKalunga, Kalunga naye wo we ve yethela mowoova wawo, va undape hihatja thele okuundapwa.

Ve limona okutya ve na odhondunge, nan̯i wo ovahima. Poluvedhe lwokukumba kuKalunga nguha anda, wo va kumba kotjithika tjomuntu nguu t̯a, nokotjithika tjovidhila, notjovinamwenyo, notjoviyaladhi.