Папулярныя біблейскія вершы з Oknayene Ibo 24

Падзяліцца

Kamel ogono kaglno bodugl pai meglko, Abraham nigl kogonmo yagl i ye Yawe agle di, yegl dugwa, Yawe yo, na sugl moglkwa yagl Abraham Godmo motnga ikra we, ene ake ple di narsre, te Abraham mirie gogl, ere wakai ere ten, abai ta doko inagledi wiga i kanaluwa.

Ana na erme ene yegl di priwa, abai magigl i wibi, na swara ta di te, Na nigl goglka. Ene nigl kogl kake yunga i ake atne ede natn, nenaglba yegl dibo, abai ta di ikne ede, Ene nigl no! Na ama nigl kogl, kamelnen tenagle di, yegl ta dinan we, ene abai i Aisak enabedi kere inedi praglka. Te, abai yegl ta dinan, ene Abraham mirie gogl, ere wakai ere tenedi praluwe di, yegl dugwa.

Ye Aisak di te kodugo, Aisak ye Rebeka agre i ede pi sel yugu ta Aisak mam Sara okna kipamara ogwa. Agre i ede ogo, ye yagl abu miurka. Yagl abu miurko, Aisak ye Rebeka dem muduo tedre, ye okna mam Sara goglkwa pre mirie gogl moglkwa i, erme tau aragan erukwa.

Yegl dibriko, ye nem agiglema ere mogl, Rebeka di wakai yei te, yegl digwa, Abaro yo, ene gawanma u milion tau enaiglmiwa. Ye kuda ikne kuda bogl tedre, yobuglo eraiglmiwe di, yegl digwa.

Padiglsre, ene Yawe, God heven ibo ya makan atne nem moglkwa i, ye kagie mina ka kaima di nare padratnedi prika. Na Kenan yoba dumono suna kipaiga ba ene Kenan abai ta bogl i na wana tekratnga i pre dinatnedi prika. Ene Kenan abai ta bogl i tekre, ene ede pi na dumo kamina, yobanama meglmara pidre, abai ta yu, wana Aisak tenatniwe di, yegl dugwa.