Папулярныя біблейскія вершы з Aromayi 6

Ntuge leifyitnutnu tagba nya zhni əfyí nu, ama Shekwoyi nyaga zhni wyewyeyi nyalonyalo nya nu, dna ń Kirisiti Yeisu əyi Dagayi.

Ntuge leifyi to ɓə yee gwodu kwo yee zhni əfye Dagayi m, ntuge fye to fyi ń owa snuta nu m, ama fyi ń Shekwoyi shebmyashi.

Ntucenu, a ɓə kwu yi kwnubyi n woi dna ń batizima lo əfyí, nabai n ɓwasnu ngye she a ɓə lá Kirisiti kala ń əfyí dna ń latu Dada nya nyi, əyihni ce ń yi ɓa myi ya gyianyì wyewyeyi woiwoyi nya.

Fye to ga aleifyi əfye nayi əga dəhodəhoi kwaa zè əkpí tnutnuzhninya m, fye zezè fya kwu əfyehni ga fyi ń Shekwoyi akwnu nu, ngye aza yi ń a la ɓa kwnuɓe ncei ń əfyí, ɓe wyewyeyi aba; jesnu fya ga wo əfyehni anayi aga ngye ɓəfyece atnutnunya.

Ntuge yi kpəlo nge a ɓə la əyi əza kwokwoi kwnu znudu n woi, nabai ń a ɓaa nayi leifyizhni nya əɓo duya, ntuge to ya kwu je leifyi afyenu zhni m

N ɓwajesnu n zokwo ye, fye gye əfyehni n zhni afyífyiyi ń aleifyizhni, ama awyewyeyida ń Shekwoyi, fyi ń Kirisiti Yeisu.

To, nsaiye, yi ɓa da dəye nge nanu a? Yi ɓa gwodu n aleifyizhnii nu nabai Shekwoyi shebmyashi kwa gna mwamwa a? Kwo fyewyi! Əyi ń yi ɓə kwu fyí fyi n leifyizhni; kwo ɓa yezhni n wuna ya gwodu dna n anyìgyi leifyizhni nya a?

Fye ta kpəlo nge əsa ń fya ga əfyehni fyi ń əza akwnu, fyaa vyi əwo gbetu ngye afyenu, fye zhni əza yi afyenu nu, ń fye vyi wo gbetu nyi m; kwo fye kwu zhni leifyi afyenu nu, n kwo lo n azai ń əfyí nyi, kwo afyenu ɓəgbetuvyi nya n kwo lofyi n azai ń ɓəfyecezhni nyi m?

Ama yi sa Shekwoyi ami lo nge, kwo shikwonyi fye ɓə zhni afyenu nu fyi ń aleifyizhni, fye ɓə kwu vyi gbetu əfye nyawu nya n əfye adui vnyanya, n fye zhi fyei shi kwo əɓwa nyi. A la fye gnyi ń leifyi jesnu fye kwu zè afyenu ɓəfyecezhni nya.