Папулярныя біблейскія вершы з Saunt Matthew 2

Падзяліцца

An’ whan they had come intil the house, they saw the young bairn wi’ Mary his mither, an’ fa’d doun, an’ worshippet him; an’ whan they had openet their treasures, they offer’t until him gifts, gowd, frankincense, an’ myrrh.

Now whan Jesus was born in Bethlehem o’ Judea, in the days o’ Herod the king, behald, there cam’ wise men frae the east til Jerusalem, Sayin’, Whare is he wha is born King o’ the Jews? for we hae seen his star in the east, an’ are come to worship him.

Whan they saw the star, they rejoicet wi’ unco meikle joy.

An’ bein’ warnet o’ God in a dream that they sudna gang back til Herod, they gaed awa intil their ain kintra by anither road. An’ whan they were gane awa, behald, the angel o’ the Lord kytheth til Joseph in a dream, sayin’, Rise up, an’ tak’ the young bairn an’ his mither, an’ flee intil Egypt, an’ be thou there till I bring thee word; for Herod will seek the young bairn to tak’ his life.