Папулярныя біблейскія вершы з Matayi 7

Падзяліцца

Lombeeno na baaluhaana, soseeno mpe lwaabaka, konkoteeno na baaluzibudila.

Ni hahoho, wonso waalomba, waatambula, mboki wonso waasosa waabaka na baazibudila ku yondowo waakonkota.

Ni hahoho, wonso muntu kwe yuwanga mambu mani ma nakwe zonzanga na kwe sadilanga mo, fwanakani na bakala dimosi di madyela, wu tunga nzo andi ha yulu matadi.

Mimvimba mi lutiidi ti bantu ba luhiidikila, yeno mpe bahidikileeno myo. Mu dyambu ti Misiku midi, na mi misonama mu buuku di mimbikudi.

Kansi mwelo wufyetama na nzila yifyetama bikwe natanga ku luzingu, na bafyuma kwandi baayena yo.

Kotileeno ha mwelo wufyetama. Kadi mwelo wuwunene na nzila yisadila bikwe natanga ku mbungulu, mpe babingi bakwe kotilanga yo.

Mpeleko yeno nkatika bantu bambi ludi, luzebi muhaana bima bimbote ku baala beno. Bila nki Tata eno wu ku mazulu kalendi lembolo haanina bima bimbote ku yobobo bana mu lomba byo e?

Ka mufundisa ko, mwanki balembolo lufundisa. Mu dyambu ti baalufundisa bonso bu lukwe fundisilanga bahiika, mpe kitezo ki lukwe tezilanga bahiika, kyakyokyo mpe baalutezila.

Kansi muntu wukwe yuwanga mambu mani ma nakwe zonzanga, na kwe lembolo sadilanga mo, fwaanakani na muntu wu kizengi tungidi nzo andi ha yulu munyenge.

Mu dyambu di nki wuna yenina kititi kii mu diisu di mpangi aku, kansi wuna yena kibuku kibaya kii mu diisu dyaku ko e? Bwedi lenda teela ku mpangi aku ti: «Bika na katula kititi kii mu diisu dyaku», kansi ngebende wuna kibuku kibaya mu diisu dyaku e?

Kebeeno kweno na mimbikudi mi luvunu. Bakwe kwizanga ku yeno mu kifwani ki mameme, kansi ku kati dyawu baa bonso zingo zikwe dyanga bantu. Mu mimbutu myawu lwaabazabila. Bakwe helanga mbutu zi miti mi vinu mu miti mi nsende ko, hoti mbutu zi fike mu zimpanga ko.

Muti wumbote wukwe butanga mbutu zimbote, kansi muti wumbi wukwe butanga mbutu zimbi.

Muti wumbote wulendi buta mbutu zimbi ko, na muti wumbi wulendi buta mbutu zimbote ko.

Wonso muti wukwe lembolo butanga mbutu zimbote wufweti kwangu mpe wufweti tubu ku tiya.