Папулярныя біблейскія вершы з Yoane 15

Падзяліцца

Meno nii muti wu vinu, yeno ni bintala. Yondowo wuu wukangama mu meno bonso meno mu yandi, yandi waabuta mbutu zizingi. Mu dyambu ti lulendi sa kima ko tala ti luu mu meno ko.

Beeno bakangama mu meno, meno mpe mu yeno. Tala ti kintala kii kikangama mu muti wu vinu ko, kilendi buta mbutu kyabende ko. Bumosi mpe yeno tala ti luu bakangama mu meno ko.

Tala ti luu bakangama mu meno na mambu mani maa mu yeno, lombeeno kyonso kilutiidi, kyaalwabaka.

Ka yeno ko lunsoola, kansi meno nalusoola, mpe naluheeni kiyeko mwanki lwenda lubuta mimbutu na mimbutu myeno mi zingila. Ni hahoho, kyonso kima ki lwaalomba ku Tata mu nkumbu ani, kyaakaluhaana

Kunani luzolo luhyokidi bunene tala ti ka mu hombisa luzingu lwandi mu dyambu di bakundi bandi ko.

Kyonso kintala kii mu meno, kikwe lembolo butanga mbutu, kya kakwe zenganga. Mpe kyonso kintala kikwe butanga mbutu, kya kakwe kwangulanga mu ntendo, mwanki katoma buta mbutu zizingi.

Musiku wani ni ewu: Zolasaneeno yeno na yeno bonso bu naluzodidi.

Tata ani waakemboso bonso ebu: ti lu butidi mbutu zizingi, mpe ti lweka nkatika milongoki myani.

Meno nidi muti wu vinu wukedika, mboki Tata ani ni kisadi ki mfuba yi vinu.

Muntu wulembolo ba wukangama mu meno, watubu ku mbazi bonso kintala, mpe kyaayuma. Bakwe totanga bintala biyuma, mpe bya bakwe tubanga ku tiya, mboki bihidi.

Naluteedidi bo, mwanki kyese kyani kiba mu yeno, mpe kyese kyeno kiba kilunga.

Tala ti luna tumama mu Misiku myani, luu bakangama mu luzolo lwani, bonso bu nkwe tumamanga mu Misiku mi Tata ani mpe ni wukangama mu luzolo lwandi.

Ntumunu yi nina luhaana, ni mu zolasana yeno na yeno.

Tala ti bantu ba nza ludi, nganunu nza yilutya, mu dyambu ti luvwihulu ku nza. Tala ti nza yina lubela, ni mu dyambu ti luu bantu ba nza ko. Kansi meno nalusoola ha kati di bantu ba nza.