Папулярныя біблейскія вершы з ရှင်လုကာ 8

Падзяліцца

ယေတာလဲ မြေဆီလွှာကောင်းရေနီရာကို ကျလားရေမျိုးစိဆိုဟာက ဘုရားရှင်ရဲ့ နှုတ်ကပတ်တော်တိကို နာယူပြီးရေအခါမာ သူရို့ရဲ့ကောင်းမွန်ရေစိတ်နှလုံးထဲမှာ စွဲစွဲမြဲမြဲသိမ်းထားပနာ ဘုရားရှင်ရဲ့နှုတ်ကပတ်တော်တိကို လိုက်နာတဲ့လူတိကိုဆိုလိုရေ” လို့မိန့်တော်မူပါရေ။

ဆူးခြုံပင်ထဲကို ကျလားခရေ မျိုးစိတိဆိုဟာ ဘုရားရှင်ရဲ့နှုတ်ကပတ်တော်တိကို ကြားနာကတ်ရတာလည်းသို့ ဘဝမာ စိုးရိမ်ပူပန်မှုတိ၊ ချမ်းသာကြွယ်ဝမှုတိ၊ ကာမဂုဏ်ခံစားမှုတိက ဖုံးလွှမ်းထားဟာကြောင့် ဘုရားရှင်ရဲ့ နှုတ်ကပတ်တော်အတိုင်း မနီထိုင်တဲ့လူတိကို ဆိုလိုရေ။

ကျောက်ခံမြီထက်ကို ကျလားခရေမျိုးစိတ်ဆိုဟာ ဘုရားရှင်ရဲ့ နှုတ်ကပတ်တော်တိကို နာယူရရေအခါ အားရဝမ်းသာနဲ့လက်ခံတဲ့လူတိကို ဆိုလိုပါရေ။ ယကေလဲ သူရို့က အမြစ်မစွဲတဲ့အပင်တိပိုင် အချိန်တအောင့်ချေလောက်ရာ ယုံကြည်လက်ခံဟာကြောင့် သူရို့မာ ခက်ခဲကြမ်းတမ်းမှုတိနဲ့ ကြုံလာရရေအခါ သူရို့ရဲ့ယုံကြည်မှုတိဟာ ချက်ချင်း ရပ်တန့်လားကတ်တေလူတိကို ဆိုလိုရေ။

ယပြီးကေ ကိုယ်တော်က တပည့်တော်တိကို “မတ်ရို့ရဲ့ယုံကြည်မှုက အဇာမာရောင်” လို့မိန့်တော်မူလိုက်တေ။ ယကေလဲ သူရို့ဟာ အံ့ဩတုန်လှုပ်ပနာ “ဒေလူဟာ အသူရောင်။ လှိုင်းနဲ့လီကို အမိန့်ပီးလိုက်တဲ့အခါ လှိုင်းနဲ့လီကတောင် သူ့ရဲ့အမိန့်ကို နာခံကတ်တေကား” လို့အချင်းချင်း ပြောနီကတ်တေ။

လမ်းထက်မာကျလားရေ မျိုးစိရဲ့အဓိပ္ပါယ်မာ ဘုရားရှင်ရဲ့နှုတ်ကပတ်တော်တိကို နာယူရကေလည်း ယုံကြည်ခြင်းမဟိစီဖို့နဲ့ ကယ်တင်ခြင်းမခံရအောင်အတွက် မာရ်နတ်ကရောက်လာပနာ သူရို့ရဲ့နှလုံးသားထဲကနီ ဘုရားရှင်ရဲ့ နှုတ်ကပတ်တော်တိကို နှုတ်ယူခံရတဲ့လူတိကို ဆိုလိုဟာဖြိုက်တေ။

မမြင်အောင် ဝှက်ထားနိုင်ရေအရာလို့မဟိ။ မသိအောင်ထားနိုင်ရေ လျှို့ဝှက်ချက်ဆိုဟာလဲမဟိ။

ယင်းမမါ့ကလည်း ယင်းအဖြိုက်အပျက်တိကိုမြင်ခါ မပြောပဲမနီနိုင်ပဲနဲ့ တုန်လှုပ်ပနာ ကိုယ်တော်ရှေ့မာ ဒူးထောက်ပြီးကေ သူမဟာ ကိုယ်တော်ကို တို့ထိလိုက်တဲ့အကြောင်းနဲ့ သူမရဲ့ရောဂါတိ ချက်ချင်းကောင်းလားခတဲ့အကြောင်းကို လူတိကို ပြောပြခရေ။ ယေခါ ကိုယ်တော်က ယင်းမမါ့ကို “သမီး၊ အသင့်ရဲ့ယုံကြည်ခြင်းက အသင့်ရောဂါကို ပျောက်ကင်းစီဟာဖြိုက်တေ။ ငြိမ်းငြိမ်းချမ်းချမ်းလားပါဖိ” လို့မိန့်တော်မူလိုက်တေ။

ယေခါ တပည့်တော်တိဟာ ကိုယ်တော်ပါးကိုလားပနာ ကိုယ်တော်ကို နှိုးလိုက်ကတ်ပြီး‌ကေ “ဆရာ၊ ဆရာ၊ ကျွန်နော်ရို့ သီကတ်ဖို့ပါယာ” လို့လျှောက်တင်ကတ်တေ။ ကိုယ်တော်ဟာ ထလာပနာ လီပြင်းမုန်တိုင်းနဲ့လှိုင်းလုံးကြီးတိကို အမိန့်ပီးလိုက်တေအခါ လီပြင်းမုန်တိုင်းဟာ ချက်ချင်းရပ်လားပြီးကေ အားလုံးငြိမ်ကျလားခရေ။