Папулярныя біблейскія вершы з ရှင်လုကာ 11

Падзяліцца

ယင်းဟာကြောင့် မတ်ရို့ဟာ မကောင်းရေလူတိ ဖြိုက်နီကေတောင် မတ်ရို့သားသမီးတိကို ကောင်းရေဟာတိကိုရာပီးတတ်ကေ ရွှေမြို့တော်က အဖဘုရားရှင်ဟာလည်း သူ့ပါးကလာတောင်းရေ အသူ့ကိုမဆို ဉာဏ်အလင်းတော်ကိုတောင် ပိုလို့ပီးဖို့မဟုတ်လား” လို့မိန့်တော်မူခရေ။

ယင်းကြောင့် မတ်ရို့ကို ငါပြောချင်ဟာက တောင်းကတ်ပါ၊ ရကတ်လိမ့်မယ်။ ရှာကတ်ပါ၊ တွိ့ကတ်လိမ့်မယ်။ တံခါးကိုခေါက်ပါ၊ ဖွင့်ပီးပါလိမ့်မယ်။

အဇာဖြိုက်လို့ဆိုကေ တောင်းရေ လူတိုင်း ရလိမ့်မယ်။ ရှာရေလူတိုင်း တွိ့ကတ်လိမ့်မယ်။ တံခါးခေါက်တေလူတိုင်းကို တံခါး ဖွင့်ပီးလိမ့်မယ်။

ယင်းခါ ကိုယ်တော်က သူရို့ကို “မတ်ရို့ ဆုတောင်းကတ်တေအခါ ‘ရွှေမြို့တော်မာဟိတော်မူယေအဖဘုရားရှင်၊ အဖဘုရားရှင်ရဲ့နာမတော်ဟာ ရိုသေကိုင်းရှိုင်းမှုကို ခံရပါစီ။ အဖဘုရားရှင်ရဲ့သာသနာတော် ပေါ်ထွန်းပါစီ။

ကျွန်နော်ရို့ကို အပြစ်ဒုစရိုက်လုပ်‌တဲ့လူတိကို ကျွန်နော်ရို့က ခွင့်လွှတ်ပီးဟာပိုင်မျိုး ကျွန်နော်ရို့ရဲ့အပြစ်ဒုစရိုက်တိကို ခွင့်လွှတ်ပီးတော်မူပါ။ ကျွန်နော်ရို့ကို အပြစ်ဒုစရိုက်တိလုပ်မိအောင် ဆွဲဆောင်ရေအရာတိကိုလည်း တားဆီးပီးတော်မူပါ’ လို့ဆုတောင်းကတ်ပါ” ဆိုပြီးကေမိန့်တော်မူရေ။

ကျွန်နော်ရို့အတွက် လိုအပ်တဲ့အစားအစာတိကို နိန့်တိုင်းနိန့်တိုင်း ပီးသနားတော်မူပါ။

အသင်ရို့ရဲ့မျက်စိဟာ အသင့်ခန္ဓာကိုယ်ရဲ့ မီးအိမ်ပိုင်မျိုးယာ ဖြိုက်တေ။ အသင့်မျက်စိကောင်းကေ အသင့်ရဲ့ခန္ဓာကိုယ်တစ်ခုလုံးဟာ အလင်းရာင်ရနီလိမ့်မေ။ ယေတာလဲ အသင့်မျက်စိမကောင်းကေ အသင့်ခန္ဓာကိုယ်တစ်ခုလုံးဟာ မှောင်မိုက်နီလိမ့်မယ်။

ယပြီးကေ ကိုယ်တော်က “မီးတိုင်ထွန်းထားရေ မီးအိမ်ကို တစ်ယောက်မာလဲ ဝှက်လို့လည်းမထား၊ တောင်းအောက်မာ ဖုံးထားဟာလို့လည်း မဟိ။ အိမ်ထဲကို ဝင်လာရေလူတိ အလင်းရောင်ရအောင် မီးအိမ်ကို မီးတိုင်မာရာ ချိတ်ထားကတ်တေ။