Папулярныя біблейскія вершы з ရှင်လုကာ 17

Падзяліцца

အင်မ်ဟိုဝေါလ် ကိုယ်တော်ယေရှုနား အင်မ်နောလ် “ထောထေ့နား ဈာတ်တား။ နာင်ယုမ်ကြည်မူနား နာင်ခိလ်ဘွာလ်ဟနောလ် အဓူပက်ယောင်” တိရို အ‌မိန့်။

အင်မ်ခေါင်နား နာင်ငေါလ် နှိုပ်ဟှတ်တောလ် အပြစ်ကွန်ဆိ့စိုင်းဟိုကုံးငေါလ်ခါ ကွန်ဆိ့စလုံးငေါလ် ‘နောင်တကေလောဒ့်’ တိရို အခို့အယ်လူးနားစေး အင်မ်ခေါင် ခွင့်နာမ်လွှတ်လောဒ့်အိုက်” တိရို အ‌မိန့်။

အင်မ်လှီ့ဒုလ့်ကာလ်ကိပွလ်ဟှတ်နား ရောဂါခိလ်ဘွာလ်နောက်ခေါမ် အစုတ်င်ကယ်ဟိုဝေါလ် ပါထေ့နား ဖုလော်ရှင် ချီးမွမ်းဗာန် ကိုယ်တော်စငေါလ် အလူးဘွာလ်။ အင်မ်ပါလ်နောလ် အင်မ်ခေါင်နား ကိုယ်တော်ယေရှုစငေါလ်လူးထေ့နား ကိုယ်တော်ယေရှုခူဇောလ်ဝေါလ် ဒူးထောက်ထေ့နား ကိုယ်တော် အဆိအယ်နောက်။ အင်မ်ခေါင်နောက်ခေါမ် ရှမာရိဘီဆော်ဝေါလ် အထောလ်။

အင်မ်ခန်းနောလ် နာင်မီးခါ ခေါင်လှီ့သွေးဆောင်ဖြားပါ့ယဟနောလ် သတိတောဝေဘွတ်စူး။ နာင်မီးသာနောင်လှီ့ အပြစ်အစိုင်းနားစေး အင်မ်ဆုံးမဘွတ်စူး။ အင်မ်နား နောင်တအလောဒ့်ဘွာလ်ဟိုဝေါလ်စေး အင်မ်အပြစ် ခွင့်လွှတ်ပက်ဘွတ်စူး။

အင်မ်ပါလ်နောလ် ကိုယ်တော်ယေရှုနား “ခေါင်ဟြာစလုံး နာမ်ခိလ်ဘွာလ် ဆီးယော်ဝြား။ ကျန်တိလှီ့စေး ဟိဘောင်ငေါလ်ယောင်။

အင်မ်ခန်းနောလ် ကိုယ်တော်နားခါ “နာင်မီးစငေါလ် မုန်ညှင်းစီးဟို့ဘောင် ယုမ်ကြည်ချက်မကစောမယ်ဟိုကုံးငေါလ်ခါ နီထိင်းနူးဝေါလ် အရုန်းငေါလ်ကထု ဖောင်ငယ်ထေ့နား ပင်လယ်ဒုလ့်ကာလ်ဈာတ် တိရို အ‌မိန့်ပက်နားစေး အင်မ်ထိင်းနား အနာခံရိုက်။

ပုန်းဟို့ဆောက်င် ကယ်တင်ငယ်ဟိုင်လီတိ ဆောက်င်ဆုံးရှုံးလောဒ့်အိုက်။ အင်မ်ဘော်နားခါ ကေးတွက်ကာလ် ပုန်းဟို့ဆောက်င် အဆုံးရှုံးခံတိ ခေါင်တိုင် နိစ္စထာဝရဆောက်င် အာမ်လောဒ့်အိုက်။

အင်မ်ပါလ်နောလ် ကိုယ်တော်ယေရှုနား အတပည့်လှီ့အောလ် “ခေါင်လှီ့နား ဖုလော်ရှင် နာခံယဟနောလ် စိုင်းခေါမ်သွေးဆောင်ဖြားယောင်းခေါမ်လှီ့ အမယ်ဆော်ရိုက်။ အင်မ်ဘော်နားခါ အစွာခေါင်လှီ့နား အပြစ်စိုင်းပါ့ဟနောလ် သွေးဆောင်ဖြားယောင်းတိလှီ့စေး ဆိတ်အခမ်းမိုက်။ အပြစ်မယ်ယတိ အပြစ်စိုင်းပါ့ဟနောလ် သွေးဆောင်ဖြားယောင်းတိနား အညွှားဝေါလ် ယိခိတ်တိလုံးပို့ထေ့နား ပင်လယ်ဒုလ့်ကာလ် အဓေါလ်းအခံလောဒ့်ခေါမ်စေး အင်မ်တွက် ပိုဝေနားအခိလ်ဟာမ်းမိုက်။

နောဧအဆောက်င်ဟင်ခေါမ်အချိန်ငေါလ် အထောလ်ဟိလ့်ခေါမ်ဘော် ခေါင်စိုးအကြွလူးခေါမ်အချိန်ငေါလ်ခါ အင်မ်ဘော်အထောလ်နိုက်။ သွီးအလန်လှောင်နောလ် နောဧခေါမ် ဆမ်းဖွားဒုလ့်ကာလ် အဝင်ခေါမ်နှိုပ်စိ ခေါင်လှီ့ အေဗာန်၊ အူးဗာန်၊ မင်္ဂလာအာမ်ဆောင်၊ မင်္ဂလာပွဲလှီ့ အာမ်ကျင်းပထေ့နား အာမ်မယ်ခန်းနောလ် ခိုအသည်းအသန်အိုးထေ့နား သွီးအလန်လူးဟိုဝေါလ် အင်မ်လှီ့ကိမ်ကိမ် အာမ်ဘာလ့်ကြ။