Папулярныя біблейскія вершы з Mothi 5

Падзяліцца

Ekeho ḍibiâ jolketeʹdo pâichâ latarre bang doheyako kheʹ cârkhi cetanrigi doheyako. Niâte oraʹren sanam âdmigi marsal namako. Analakagi apeyaʹ marsal âdmiko samnere joloʹman, jate angkote apeyaʹ manja kâmi lelketeʹ aperen sorgoren Babaoaʹ gourobako.

"Apedo dhârtiren marsalkanape. Buru cetannaʹ sohordo baiketeʹ bang tahe darena.

Ekeoaʹ ontor khâṭitakoa angkogi dhonnogiâko, Karon angkote Issor lelnameikohaʹ

Ekeko monte jiuite sâriaʹgi Issoraʹ icchâlaka caʹlaʹ namako angkodo dhonnogiâko, Karon angkoaʹ icchâ puronoʹtakohaʹ.

Kheʹ Ingte ape metapekâning, aperen dusmânkoho dulârkope. Ekete ape ottacarpeyako angko laʹte koijongpe

"Attate ekeko nije rangeʹ moneyako angkodo dhonnogiâko, Karon Sorgo Rajjodo angkoaʹgiâ.

Âdmikoaʹ jiuire sânti âgi laʹte ekeko kâmiako angkodo dhonnogiâko Karon Issorte angkodo gidrâ mente ṭâhukoheʹ.

Dhonno angko ekekodo dukoʹako, Karon angkodo jiui lareʹ namkohaʹ.

Issoraʹ icchâ laka caʹlaʹte ekeko ottacar saheyako angkodo dhonnogiâko, Karon Sorgo Rajjodo angkoaʹgiâ.

Ekeko mayaiʹako angkogi dhonnogiâko, Karon angkodo maya namkohaʹ.

"Apedo dhonnogiâpe, Ing panjang laʹte âdmite jâkhni ape opomanpeyako, ottacarpeyako ar âuṛiaʹte apeyaʹ nutumte sanam lakanaʹ kharap katha menako. Ape huboʹape ar khusiʹape, karon Sorgore apelaʹte marang puroskar menaʹa. Ape lahare je nâbiko tahelenako âdmikote angkoho nengkaketeʹgi ottacarkaʹkoako.

Ekekoaʹ sobhab nomrogitakoa angkogi dhonnogiâko, Karon dhârtido angkoaʹgi hoʹhaʹ.

"Apedo dhârtiren bulungkanape, paseʹ bulungnaʹ sad nosṭogena tahale alkaketeʹ anado bulung lakoʹhaʹ? Ar ana bulungdo jahan kâmiredo bang lagoʹa. Anado eken giṛiaʹ ar âdmiaʹ jangare lebedaʹgi ṭhika.

Niâlaʹte mening, aperen sorgoren Baba alka khâṭigie apeho engkagi khâṭi hoʹpe.

Apeyaʹ kathanaʹ 'He' jate 'Hegi' hoʹa ar 'Bangdo' jate 'Banggi' hoʹa, niâ khoiʹ akaṭaʹ ḍhera anado Soitanṭheʹ khoiʹ hijuʹa.

"Apedo atenkadape je, niâ katha men hokana, 'Metʹ badalte metʹ ar ḍaṭa badalte ḍaṭa.' Kheʹ Ingte ape metapekâning, jahegi ape salaʹ kharap beboharako angkoaʹ birudhoredo itâʹgi alo cikiape. Borong jahetigi ape jojma johare ceṭaʹpeyako angkodo leṭra johaho ceṭaʹsokoape.

"Amaʹ jojma metʹte judi am papnaʹ ḍaharte idimie tahale ana oṛoʹketeʹ sâhingre giṛigirim. Amaʹ goṭa hormo norokre ca khoiʹ borong ananaʹ miṭiʹ ongso nosṭogenaʹdo amlaʹte manjaoa. Judi amaʹ jojma tite am papnaʹ ḍaharte ormie tahale ana getʹgiṛigirim. Amaʹ goṭa hormo norokre ca khoiʹ borong miṭing ongso nosṭodo amlaʹte manjaoa.