Папулярныя біблейскія вершы з انجیل مَرقُس 6

Падзяліцца

عیسی شُ آنایا گُت: «اُمرَهِ ما اُ جَی خلوتی بِلگی و هیلَی استراحت بِکنی.» اَسِی که رفت و آمد مردم اِکَّد زیاد هاد که حتی وَخت شُناکِه خوراک بِخرِت.

عیسی شُ آنایا گُت: «یَک پیغامبر مَجا حرمت اُشَه، وَغیر از شهر خوش و بین کوم و خویشُش و تِی خونوادَه خوش!»

وَختی عیسی از کایِک زِیر اُمَ، جماعت گاتی اُشدی و دلُش وَ حال آنایا سُت، اَسِی که چُنِ کَهرِی بی‌گَلَبو هادِت. پَ شروع اُشکِه بُری چِی‌یا شُ آنایا تعلیم دَ.

عیسی اُشنِشابو آنکا هیچ معجزه‌ای اَنجوم هادَ، غیر از اِکِه دست شُ لِی چَنتا مریض نَه و شُ آنایا شفا دَ. عیسی از بی‌ایمونِنِ آنایا حیرون هاد. و تِی دِهاتِی اطراف اَگِشت و تعلیم شَدَ.

مِ موکَوا عیسی پنجتا نو و دوتا مَهِنا شاسِه، و اُ آسِمو چَش اُشکِه و برکت اُشدَ. بعد نُنیا تِکَه اُشکِه و شُ شاگردیاش دَ تَ جلووِ مردم هُنِسِت؛ دوتا مَهِنا هم بین هَمَهِ آنایا تکسیم اُشکِه. هَمَه شُخَه و سیر آبُدِت، شاگردیا از خُردَئِی نو و مَهی، دوازده‌تا زانبیل پُر، جمع شُناکِه