Папулярныя біблейскія вершы з انجیل لوقا 8

Падзяліцца

ولی بَذرِی که لِی زِمِن خَش اَفتِت، کسِی هِت که کلوم خدائا اَشناوِت و خاد دلی پاک و خَش اُ آنا مُحکام نِگَه اَکنِت، و وَ صبر ثَمَر دارِت.

بَذرِی که مارَکَهِ خاریا اَفتِت، کسِی هِت که کلوم خدائا اَشناوِت، ولی با گذشت زَمون، نگرونِنیا، مال دنیا و خَشِنِی زندگی اُ آنایا خَفَه اَکو و ثَمَر ناتِت.

بَذرِی که لِی زِمِن سنگَلاخی اَفتِت کسِی هِت که وَختی کلوم خدائا اَشناوِت، وَ خارامی و خَشی کَبول اَکنِت، ولی کلوم خدا تِی آنایا ریشَه ناکو، اِیا زَمون کامی ایمون شُهَه، ولی موکَهِ آزمایش، از ایمون اَفتِت.

عیسی شُ آنایا گُت: «ایمونتو کُئِه؟» شاگردیا تِرسِدِستادِت و حیرون از یَکُدو شواَپُرسی: «اِ کِی که حتی اُ باد و هُو فَرمو اَدَ و آنایا هم از آنا فَرمو اَبرِت.»

بَذرِی که تِی رَه اَفتِت، کسِی هِت که کلوم خدائا اَشناوِت، بعد ابلیس اَدا و کلوما از تِی دِلشو اَدُزِ، تا نِکو ایمون بیارِت و نجات پیدا بِکنِت.

اَسِی که هیچ چِی پوشِدَه‌ای نی که عَلَنی نِبِه، و هیچ چِی پِنهونِنی نی که معلوم نِبِه و زِرِ نور نِیاد.

مِ زنا وَختی اُشدی اُشناشابِه پِنهون وامانِه، وَ تِرس و لَرز جلو اُمَ و اُ پَی عیسی اُفتَه و جلووِ هَمَهِ مردم اُشگُت که اَسِی چه دست شُ عیسی زادِ و چینا جِخُو شفا اُشگِرِتِه. عیسی شُ آنا گُت: «اَی دُت، ایمونُت شُ تو شفا دَدِ. وَ سلامت اُچا.»

شاگردیا حَدِ عیسی چِدِت و بیدار شُناکِه، شُگُت: «استاد، استاد، نابود بُدائِم!» عیسی بیدار آبو و شُ باد و موجِی گات نِهِب دَ. طیفو کَعط بو و مَجا آروم آبو.