Папулярныя біблейскія вершы з ရှင်မာကု 8

Падзяліцца

ထိုသို့မဟုတ်ဘဲ မိမိအသက်ခန္ဓာကို မက်မောနေသောသူတို့သည် ဘုရားရှင်ထံတော်၌ နိစ္စထာဝရအသက်ကို ရနိုင်မည့်အခွင့်အလမ်းအား ဆုံးရှုံးရလိမ့်မည်။ သို့သော် မိမိအသက်ခန္ဓာကို ငါ့အတွက်သော်လည်းကောင်း၊ မင်္ဂလာသတင်းကောင်းအတွက်သော်လည်းကောင်း စွန့်လွှတ်ပေးဆပ်သည့်သူများသည် နိစ္စထာဝရအသက်ကို ရရှိကြလိမ့်မည်။

လူသည် ကမ္ဘာလောကတစ်ခုလုံးကို ရရှိပိုင်ဆိုင်ရသော်လည်း အသက်ဝိညာဉ် ဆုံးရှုံးရလျှင် မည်သည့် အကျိုးကျေးဇူးရှိမည်နည်း။

ထို့နောက် ကိုယ်တော်သည် တပည့်တော်များနှင့် လူထုပရိသတ်တို့ကိုခေါ်ယူ၍ သူတို့အား “ငါ့တပည့်တော်ဖြစ်လိုသောသူတို့သည် မိမိအတ္တကို စွန့်ပယ်ရမည်။ ငါ့အတွက် မိမိအသက်ခန္ဓာကိုပင် စွန့်လွှတ်ရန်အဆင်သင့်ဖြစ်လျက် ငါ့နောက်သို့လိုက်ရမည်။

အသက်ဝိညာဉ်ကိုပြန်ရရန်အတွက် မည်သည့်အရာနှင့်မျှ သင်တို့ ပြန်ပေးဆပ်နိုင်ကြမည်မဟုတ်။ ဤသို့ပျက်စီးယိုယွင်းနေသော ခေတ်ကာလ၌ ငါနှင့် ငါ၏သွန်သင်မှုတို့ကို ယုံကြည်ဖို့ရန် ငြင်းဆန်နေသူများအား ငါသည် လူ့သားတော်အဖြစ် အဖဘုရားရှင်၏ဘုန်းဂုဏ်တော်နှင့်အတူ မြင့်မြတ်သည့် နတ်ဒေဝါများ ခြံရံ၍ ဤကမ္ဘာသို့ ပြန်ကြွလာသည့်အခါ၌ ငါ၏တပည့်တော်များအဖြစ်မှ ငါငြင်းပယ်မည်” ဟု မိန့်တော်မူ၏။

ထိုအခါ ကိုယ်တော်က သူတို့အား “သင်တို့ကမူ ငါ့ကိုမည်သူဖြစ်သည်ဟု ဆိုကြသနည်း” ဟုမေးရာ ပေတရုက “ကိုယ်တော်သည် ကယ်တင်ရှင်ခရစ်တော်ဖြစ်ပါ၏” ဟုလျှောက်ထားလေ၏။