Папулярныя біблейскія вершы з ዳናቱዋ 7

Падзяліцца

መና ጎዳይ ጌዶና ሀዋዳን ያጌዳ፤ “ሚድያማ አሳ ታን ህንተንቱ ኩሽያን አደ እማናዉ፥ ኔናና ደእያ አሳይ ዳሬዳ፤ እስራኤልያ አሳይ፥ ‘ኑ ዎልቃን አቴዶ’ ጊደ ታ ቦላ ጬቀተና ማላ፥ ምድያማ አሳ ታን ኡንቱንቶ አደ እምከ።

መና ጎዳይ ጌዶና፥ “ባረንቱ ኩሽያን ሃ ኤቁዋን ኮጰቲደ ላባጭ ኦዳ ሄዙ ጼቱ አሳቱዋን ታን ህንተንታ አሻና፤ ሚድያማ አሳቱዋ ህንተንቶ አደ እማና። ሽን አቴዳ አሳይ ኡባይ ባረ ሶ ባረ ሶ ስሞ” ያጌዳ።

ሄዋ ድራዉ፥ ሀእ አሳዉ፥ ‘ያሻን ኮኮርያ አሳይ ኦንነ ደኦፐ፥ ጋላኣደ ደርያፐ ስሚደ፥ ጉየ ባረ ሶ ባረ ሶ ቦ’ ያጋደ አዋያ” ያጌዳ። ያትና፥ ላታማነ ላኡ ሻአ አሳይ ጉየ ስሜዳ፤ ታሙ ሻአ አሳይ አቴዳ።

ሄዋፐ ጉይያን መና ጎዳይ ጌዶና፥ “ሀእካ አሳይ ዳሬዳ። ኔን ኡንቱንታ ዱገ ሃዉ አፋ፤ ታን ኡንቱንታ ነዉ ያን ሻካና። ታን፥ ‘ሀዌ ኔናና ቦ’ ግያዌ ኔናና ቦ፤ ታን፥ ‘ሀዌ ኔናና ቦፖ’ ግያዌ ቦፖ” ያጌዳ።

ያትና፥ ጌዶን አሳ ሃኮ አፌዳ። መና ጎዳይ ጌዶና፥ “ሀ አሳ ግዶፐ ጉልባቲደ ሃ ኡሽያዋንታነ፥ ካናዳን ሃ እንጻርሳን ላባጭ ላባጭ ኦደ ኡሽያዋንታ ሻካ” ያጌዳ። ባረንቱ ኩሽያን ሃ ኮጰቲደ ላባጭ ኦደ ኡሼዳዋንቱ ፓይዱ ሄዙ ጼታ፤ ሽን አቴዳዋንቱ ኡባይ ሃ ኡሻናዉ ጉልባቴድኖ።