Папулярныя біблейскія вершы з ከሳ 9

Падзяліцца

ታን ኔና ታ ዎልቃ በሳናዉነ ታ ሱንይ ሳኣ ኡባ ቦላን ኦደታናዉ፥ ሄዎ ታን ኔና ካተ ኦደ ዎድ።

መና ጎዳይ ሙሳ ሀዋዳን ያጌዳ፤ “ግብጼ ካትያኮ ባደ፥ ‘መና ጎዳይ፥ እብራዌቱዋ ጾሳይ ኔና፥ “ኡንቱንቱ ታዉ ጎይናና ማላ ታ አሳ የዳ” ያጌ።

ታን ሀኖደ ታ ኩሽያ የዳደ፥ ኔናነ ነ አሳ ኢታ ሀርግያን ሀ ሳኣ ቦላፐ ምልጽ ኡዳናሽን።

መና ጎዳ ኩሺ ደርያን ደእያ ነ መህያ ቦላ፥ ፓራቱዋ ቦላ፥ ሀረቱዋ ቦላ፥ ጋሎቱዋ ቦላ፥ ምያ ቦላ፥ ዶርሳቱዋ ቦላነ ዴሻቱዋ ቦላ ዎልቃማ ኢታ ሀርግያ የዳና። ሽን ታን መና ጎዳይ እስራኤልያ መህያ ግዱዋንነ ግብጼቱዋ መህያ ግዱዋን ሻኮታ መና። እስራኤላቱ መህያፐ እቱነ ሀይቀና’ ያጋ” ያጌዳ።

ሄዋ ድራዉ፥ ታን ዎንት ሀኖደ ግብጼ ግብጼ ግዶደፐ ሀቼ ጋካናዉ ኡባካ ዎ ኤረና፥ ዳሪ ዎልቃማ ሻቻ ቡክሳና። ሀእ ኔን ነ መህያነ ጋደን ነዉ ደእያዋ ኡባ ኤለካ ሶ ገልሳናዳን አዛዛ፤ አያዉ ጎፐ፥ ሶይ ገለናን ብሮ ጋደን ደእያ አሳ ኡባ ቦላነ መህያ ኡባ ቦላ ሻቻይ ዎናዋ፤ ኡንቱቱ ሀይቃና” ያጌ’ ያጋ” ያጌዳ።

ሄዌ ግብጼ ቢታ ኡባ ቦላ ሊቆ ባና ግዳናዋ፤ ግብጼ ቢታ ኡባን አሳ ቦላነ መህያ ቦላ ጊይያ ጺባይ ዎናዋ” ያጌዳ። ኡንቱንቱ ጮጭያፐ ብድን አኪደ፥ ካትያ ስንን ኤቄድኖ፤ ሙሴ ሄዋ ፑደ ጫርኩዋን ላልና፥ አሳ ቦላነ መህያ ቦላ ጊይያ ጺባይ ዎ አጌዳ።