Папулярныя біблейскія вершы з Тархъанлъи 20

Падзяліцца

«Дун вуго нужер БЕТӀЕРГЬАН, лагълъун нуж рукӀараб ракьалдаса, ай Мисриялдаса, нуж къватӀире рачарав нужер Аллагь. Дун гурел батӀиял аллагьзаби нужер рукӀине бегьуларо.

Нужеего гьересиаллагь гьавуге – тӀад зобалазда бугелъул букӀа, гӀодоб ракьалда бугелъул букӀа, лъадалъ яги ракьулъ бугелъул букӀа, кинабгӀаги сипат-сурат гьабуге; гьезие тӀагӀат-гӀибадат гьабуге, Дун нужер БЕТӀЕРГЬАН Аллагьлъидал – хилиплъи хӀехьоларев, умумузул мунагьазе гӀоло лъабабилеб ва ункъабилеб наслуялде щвезегӀанги гьезул лъималазул лъималазеги, Дун риханщиназе жаза гьабулев.

Эбел-инсул адаб-хъатир гьабе, БЕТӀЕРГЬАН Аллагьас кьураб ракьалда нужерго гӀумру халатаб букӀине.

Шаматкъо кӀочонге – гьеб хирияб къолъун цӀуне.

Нужерго БЕТӀЕРГЬАН Аллагьасул цӀар бахъуге кӀвар гьечӀого, щайгурелъул БЕТӀЕРГЬАНАС кӀвар гьечӀого Жиндир цӀар бахъулев чиясеги жаза гьабичӀого толаро.

Анлъго къоялъ хӀалтӀе ва тӀолалго дурго ишал тӀуразаре, амма анкьабилеб къо – гьеб ккола дур БЕТӀЕРГЬАН Аллагьасе батӀа гьабураб шаматкъо. Гьеб къоялъ нужеца кинаб бугониги хӀалтӀи гьабуге – я дуца, я нужер васас яги ясалъ, я нужер лагъас яги лагъалъ, я нужер хӀайваналъ, я нужер шагьаралда чӀел гьабурав къватӀиракьалдаса чияс.

Чияр рукъалде хьул лъоге, чияр лъадуде хьул лъоге, гьесул лагъасде яги лагъалде, гьесул оцалде ялъуни хӀамиде – щибгӀаги чияр жоялде хьул лъоге».

ГьересинугӀлъи гьабуге.

Зина гьабуге.

Чи чӀваге.

ЦӀогь гьабуге.