Папулярныя біблейскія вершы з Матфей 16

Падзяліцца

Соку Иисус Аслаз дышетскисьёсызлы шуиз: «Кин Мон сьӧры мыныны малпа, аслэсьтыд ачид куштӥськы, киростэ басьты но Мон сьӧры мын.

Мон тыныд верасько: тон – Петр, та из вылэ Мон Аслэсьтым Черкме кылдыто, адлэн капкаез уз вормы сое.

Мон тыныд Ин Эксэйлыклэсь усьтонъёссэ сёто; музъем вылын мае керттод, со ик керттэмын луоз Инмын; музъем вылын мае пертчод, со ик пертчемын луоз Инмын».

Уго кинлэн лулзэ утемез потэ, со сое ыштоз; нош кин Мон понна лулзэ ыштӥз ке, со шедьтоз сое.

Кыӵе пайдаез адямилы, быдэс дуннеез аслыз басьтӥз, нош лулызлы изъян лэсьтӥз ке? Лулзэ утён понна кӧня дун тыроз адями?

Соослы Со шуиз: «Нош тӥ асьтэос Монэ кин шуыса лыдъяськоды?» Петр шуон Симон ответ сётыса вераз: «Тон – Христос, Улэп Инмарлэн Пиез».

Соку солы, ответ сётыса, Иисус шуиз: «Шудо тон, Симон, Ионалэн пиез, малы ке шуоно мугор но вир тае тыныд ӧз усьтэ, Мынам Инмысь Атае усьтӥз.