Папулярныя біблейскія вершы з Fịrị Ḅara 2

Pita warị nnị ḅẹẹ, <<Ọ́rụ́ḅọ ọ́rụ́ḅọ amịna sii ḅụ pịghị sị mingi sara Jizọs Krais ẹ́rẹ́ ḅụ sị, siiḅụḅarasipịrị nyáná, anịsáa, ọ Tamuno dienyẹ ma nyánábẹm, Tọ́ntọ́ Tẹ́mẹ́ ma.

Nnị warị sáá ngúmá nfịrịmaapụ ma ḅárabie nyẹ dáwọ pịghị mịẹgbólóma nyáná nnị pịghị mịẹgbólóma nyánam fị́nyẹ ḅụ na tẹ́ghẹ̄ ḅụ.

Tọ́ntọ́ Tẹ́mẹ́ ma nnị kị́nị́mamgba bie sọọ biim, nnị warị jẹ́ ḅẹ́lẹ̄ pa ẹ́gẹ́rẹ́kọọ Tẹ́mẹ́ ma nnị kụrọma ḅara.

Ḅụnimigha sáá anịị nnị ọwụ náanyẹ sobie irisé fieḅára pa fiearị nyẹ, anị warị ngaamamgba sọ bii n kpọrọfịnị ngá. Nnị warị fịnịḅẹlẹ kịkanyẹ árị kaa galagala sị mú gbẹ́rẹ́ḅọ gbẹ́rẹ́ḅọ ọ́gọ́nọ gbánā. Tọ́ntọ́ Tẹ́mẹ́ ma nnị kị́nị́mamgba bie sọọ biim, nnị warị jẹ́ ḅẹ́lẹ̄ pa ẹ́gẹ́rẹ́kọọ Tẹ́mẹ́ ma nnị kụrọma ḅara.

Éné éné bie anịị nnị donaarị nyẹ ogboapụ ḅara Tamuoopuwarị ma bie, nnị pịghị nna fị́nyẹ fị gbólómam jụghọ jụghọ wárịbie bieḅẹlẹ kúkúbie na ḅụ siminima nna ḅụ, boma pa Tamuno pịrịarị pịghị túminị́ mamgba ḅẹlẹma ḅẹlẹ fịarị. Éné mamgba Kị́nị́nyánáḅọ pa nna bie suam dụaḅọ́rọ́ma nyánáarịapụ.

<< <Tamuno dughom ḅẹẹ, Mịma anịị a mịẹbẹnyẹ kunema éné biri. A i Tẹ́mẹ́ pa kị́nị́mamgba ḅụ sarabẹm ọmịna owiapụ awọ na ọmịna ẹ́rẹ́ámáapụ awọ, ị́yẹ́ ẹ́gẹ́rẹ́ dugho wásámabẹm, ọmịna ásáawọ saghị múnogha dáwọ kọbẹm, ọmịna olomapụ dáwọbẹm.

Mininiapụ mamgba gbẹ́rẹ́ angaá fịnịm pịghị nna nyánányẹ pa jụghọ jụghọ na diem. Nnị nna nyánányẹ dẹrịbẹm, sị igbii akuoo diegálágáláma kị́nị́mamgba pịrị, anị ọ́rụ́ḅọ ọ́rụ́ḅọ ḅụ fịnị ḅára.

Anịsáa Kị́nị́nyánáḅọ ḅárásua biiḅọ gonyẹ́ gonyẹ́ ḅọ́rọ́ma nyánábẹm.>

Ịrụa mịnị biabịgha, akalụ́ sọ pịghị sághị áwụ biabẹm. Mịma ḅọ́rọ́ sa anịị Kị́nị́nyánáḅọ opu ipine éné ma ḅo bẹnyẹ.