Папулярныя біблейскія вершы з Hakaroma 14

Падзяліцца

Yoyishi ghufumu waNyambi ne, kadi thinu thokudya no kunwa temba. Agho ne wa ghuhunga, thiraro no yishamberera eyi gha tupa Mupepo ghoKupongoka. Oyu ghokukarera Kristusi pamuhingo ghuno, gha kara muwa kwaNyambi no dikuto kwawanu.

Ngeshi ku tuna kupara, kudifumanekero dyaFumu tuna kupara no ngeshi ha tu fu, kudifumanekero dyaFumu tuna kufera. Ngambi ngo tu pare ngambi ngo tu fe, atwe ne twa kara kwaFumu.

Mu ninge tu toghorope, kuyinu yoyiheya yi ya reta thiraro no kuyenda kughutho.

Keho ne twa kutetera twathinda ndhango. Wa tenda kwamuyendhoye thinu thokumutokotitha, no wa mu paka mudihudhi.

Yoyi yapwa kutjanga eshi: “Shemwa ngeshi ha ni para, dyo ghana kughamba Fumu, kughutho wange mbo gha tongamena manwi ghomahe, no marudimi ghomahe mbo ghana nongonona eshi, Yame Nyambi.” Yodigho, yomuhe ghopapetu dyo mbo gha tapa yitenda yendi thinda kwaNyambi.

Tambure muyendhoye yu gha kasha mumatawero. Ene wa mu kanana yiyedhekera yendi eyi yakutjaka no yoye.

Yowe dye ne we ghuna kutetera mupika muyendhoye? Thinda hekudyendi yo mbo gha mu tetera, ngambi ghuhunga gha tenda ngambi ghuyi. Ene ye mbo ghana tendi mughuhunga. Yinu yokenge yo, mbo ghana yidimuka thinda Fumu.