Папулярныя біблейскія вершы з Marcu 11

Падзяліцца

Trã atsea ma vã dzãc cã tuti atseali tsi voi cãftats rugãnda, pistipsits cã va li-loats sh-va-vã si da a voauã.

Dealihea vã-dzãc, macã vãrã va lji dzãc aishtui munti: ‘Scoalã-ti shi arucã-ti tu amari’, sh-nu va aibã shubei tu inima a lui, ma va s-pistipseascã cã atsea tsi ma dzãtsi va s-facã, itsido va s-lji si-adarã.

Sh-cãndu ahurhits s-vã rugats, macã avets tsiva contra a vãrui, ljirtats-lu tsi sh-Tatãl a vostru tsi easti tu tseruri, s-vã ljeartã amãrtiili a voastri.

Sh-Isusul apãndisinda lã dzãsi a lor: “Avets pistipsirea al Dumnidzãu!

Sh-lã nvitsa, dzãcãnda: “Vahi nu easti scriatã: ‘Casa a mea va s-acljeamã casa a rugãciuniljei di tuti natsiunili’? Voi, u-avets adratã ca unã pishtireauã di furii!”

Sh-cum atselji tsi njidzea nãinti, sh-atselji tsi yinea dupã Isusul, aurla sh-dzãtsea: “Hosana! Ghinicuvintat easti atsel tsi yini tu numa a Domnului!

Ghinicuvintat easti amirãriljea al David, tatãl a nostru tsi yini tu numa a Domnului. Hosana tu locurili multi analti!”