Папулярныя біблейскія вершы з Luca 6

Падзяліцца

Dats sh-va vã si da. Unã mizurã bunã, ndisatã, scuturatã, mplinitã va s-vearsã tu poalã. Cu atsea mizurã tsi va misurats va vã s-misurã sh-a voauã.”

Omlu atsel bunlu u scoati ghineatsa dit ayishtearea atsea buna a inimãljei a lui, sh-omlu atsel arãu scoati arali dit ayishtearea arauã a inimãljei a lui. Cã gura a omlui zburashti di mplinirea a inimãljei.”

Ma voi vrets-lji neamitsilji a voshtri, fãtsets ghini a lor sh-dats mprumut sh-nu ashtiptats s-vã si toarnã. Atumtsea plãtirea a voastrã va hibã mari, sh-voi va hits hiljilji a Multu Analtului, cã elu easti ghini-voitor cu aharishtslji sh-anapudzlji.

S-hits njilãoshi, ashã cum Tatãl a vostru easti njilãos.”

“Nu giudicats sh-nu va hits giudicats. Nu condamnats sh-nu va hits condamnats. Ljirtats sh-va hits ljirtats.

“Ma mini ma vã dzãc a voauã tsi mi ascultats: S-li vrets neamitsilji a voshtri, s-fãtsets ghini atsilor tsi vã aurãscu. Ghinicuvintats atselji tsi vã blastimã sh-rugats-vã trã atselji tsi vã facã arãu.

Ma, ashã cum vrets s-vã facã a voauã oaminjlji, ashã fãtsets sh-voi cu nãshi.

Macã vãrã ti agudeashti tu unã fatsã, toarnã-lji sh-alanta. Sh-atsilui tsi ts-ljea mantolu, alas-lu s-tsã-ljea sh-tunica. Dã-lji a cuitsido tsi caftã di la tini. Macã vãrã ljea tsiva di la tini, nu caftã s-ts-u toarnã.

“Nu ari pom bun s-facã fruti arali, nitsi pom arãu s-facã fruti buni.

Cathi pom s-cunoashti di frutlu a lui, cã nu s-adunã hitsi di pri schinji sh-nu s-adunã auã di pri rudz.