Папулярныя біблейскія вершы з Luca 3

Падзяліцца

Cãndu s-pãtidzã tut populu, s-pãtidzã sh-Isusul. Cãndu ma s-ruga, tserlu s-discljisi, Duhlu Sãmtu dipunã pri nãsu ca forma a truplui a un purumbu sh-dit tser vini un boatsi, tsi dzãtsea: “Tini eshti Hiljiu a meu vrut, tini ti am arsit!”

Ioanul lã apãndisi a tutulor: “Mini ma vã pitedz cu apã, ma atsel tsi ma yini easti ma vãrtos di mini, sh-mini nu escu axiu s-lji dizleg ligãturili a sandalilor. Elu va vã pãteadzã cu Duhlu Sãmtu shi cu foc.

Fãtsets fruti buni di mitãnjusiri sh-nu apãrnjits s-dzãtsets nãuntru di voi: ‘Noi avem Abrahamul ca Tat,’ cã mini ma vã dzãc cã Dumnidzãlu poati s-lji da cilimenji al Abraham sh-dit chetri.

Tora tupoara s-bãgã tu rãdãtsina a ponjilor, sh-cathi pom tsi nu da fruti buni s-talji sh-s-arucã n-foc.”

cum easti scriatã tu cartea a prufitlui Isaia: “Boatsea atsilui tsi greashti tu irnjii: ‘Ndridzets calea trã Domnul, sh-ndriptats cãljurili a lui! Cathi vali va s-umplã sh-cathi munti sh-dzeanã va s-apleacã, locurili strãmbi va si ndripteadzã sh-cãljurili atseali aspri va s-ashtearnã. Cathi om va veadã ascãparea a Dumnidzãlui.’”