Папулярныя біблейскія вершы з Women Yo 3

Paske tout moun peche e yo tonbe kout de laglwa Bondye a. Men Yo jistifye kòm yon kado pa gras Li atravè redanmsyon ki nan Jésus Kri a

Se ladwati Bondye a menm atravè lafwa nan Jésus Kri pou tout sila ki kwè yo, paske pa gen patipri.

Li menm ke Bondye te fè parèt piblikman kòm yon viktim ekspiyatwa nan san Li atravè lafwa. Li te fè sa pou montre jistis Li. Akoz pasyans Li, Bondye pa t kontwole peche ki te fèt deja yo. Sa te fèt pou Li montre nou ladwati li nan tan prezan an, e pou Li ta nan menm lè a, devni Sila ki jistifye sila ki gen fwa nan Jésus yo.

Paske pa zèv Lalwa a, pa gen chè k ap jistifye nan zye Li; paske selon Lalwa a, vini konesans peche.

Jan sa ekri a: “Pa gen moun ki jis, pa menm youn. Pa gen moun ki gen konprann. Pa gen moun ki chache Bondye. Tout detounen, ansanm yo tout vin initil. Pa gen moun ki fè sa ki bon; pa menm yon sèl.

Paske nou ensiste ke yon moun jistifye pa lafwa, apa de tout zèv Lalwa yo.

Ke sa pa janm fèt! Olye de sa, annou ensiste ke Bondye toujou vrè, malgre tout moun se mantè, jan sa ekri a: “Ke Ou kapab jistifye nan pawòl Ou yo, e Ou kapab gen rezon lè Ou jije.”