Папулярныя біблейскія вершы з लुका 3

Падзяліцца

धा मी घीरीगी ठी़सो़ लेन्‍दी घाङला, येशुगीयाः ठी़सो़ श्‍येवालाक। धेनी येशु सोवा धेबी घाङला नाम्‍खागो भेवालाक धेनी धाम्‍पे थुक्‍ङी फुक्‍रो़नगी स्‍यीकाला खोङबा खाला भाप्‍पालाक। धेनी नाम्‍खे श्‍यीङखामने देरे सुङकेक च्‍यीक सुवालाक, “ख्‍यो़ ङी चेवे से हीन। ख्‍यी़मुला ङा ॱमीच्‍यीकी ङ्यामो घा हो़क।”

धेनी योहान्‍नागी खुङ घीरीला ॱनेवालाक, “ङी खेक्‍याला क्षुगी ठी़सो़ तेरालाक। हीना ङाने वाङक्षे च्‍यीक फेई हो़तालाक धेनी ङा खोङबागी पोल्‍लेगी डुताक टोरीन खाये मेक। खोङबागी खेक्‍याला धाम्‍पे थुक्‍ङी धाङ मेगी थोक्‍ने ठी़सो़ ॱनाङगीलाक।

खेक्‍या खेरी धीक्‍पा पारी, सेमग्‍युर हो़गीनगी ढेबु तो़न धेनी राङला ‘हीकी याप आब्‍राहाम लाक।’ ॱनेरी ॱमाना, घीझ्‍येरी ॱनाना ङा खेक्‍याला ॱनाहीन, को़न्‍क्षोकगी दे धोगोङक्‍याने आब्‍राहामगी क्षीदु टुवाक्‍या को़ जे थुक्‍कीलाक।

धेनी दोङबोक्‍याई चावाला तीरी श्‍याक्‍सादुक। धेनी ढेबु शाङपो ॱमेकेगीन, दोङबो हो़लेगो च्‍येदी मेला ॱयुक्‍कीलाक।”

दी कोरला ॱङो़नस्‍येखेन यस्‍यायागी धेपला देरे ढीक हो़तालाक, “रीतोङने भो़गीन मी च्‍यीकगी केक, ‘चोवोगी क्षीला लाम डाढीक झ्‍यी, खोङबागी फेप्‍लाम खाप्‍ते शो़। दोङ-दोङ घीरी काङगीलाक, धेनी री धाङ ला घीरी ॱङ्योम्‍गीलाक, धेनी लाम्‍गा यो़क्‍याक्‍या खाप्‍ते शोगीलाक, धेनी लाम्‍गा क्‍योक-क्‍योक घीरी ॱङ्योम्‍गीलाक, धेनी मी घीरीगी को़न्‍क्षोकगी थारपागो थोङगीलाक।’”