Папулярныя біблейскія вершы з Maki 15

Падзяліцца

Nena, ma ana oruna tahana ni rato poɂe rato, Tisasi ɂe poi paina ana naɂaha kira ɂuriɂe, “Ɂeroi ɂeroi rama sapakatani?” Raerae ana wara ɂaiɂe, ɂe ɂuriɂe, “Waratoɂo nau, Waratoɂo nau, ɂe tamana ɂitaa ɂo ɂinaɂani nau noɂo?”

Ma te mane paina haahia hii mane hani ohota ɂe ura naɂo hana ɂai horo na ma ɂe reesia rauta ni maeha Tisasi ɂe taua. Nena, ma ɂe naɂa ɂuriɂe, “Mane ɂaiɂe, ɂe Miɂi Tarena Waratoɂo waraɂimori.”

Ɂe ɂuna, ɂone ana tahana ni horoɂa Tisasi ɂe mae na, kareko paina ne ɂe ɂoni honosia tohi ɂe apu suusuu raona Nima Apunaɂa Waratoɂo, ɂe tarahita kao ɂai taraɂae taɂau uru hura taha hau huɂa hana rua apa ni ɂare.

Nena, ma Tisasi ɂe uro paina, ma ɂe piɂi mae riɂi.

Asua ana hairatoa nena, ma hanua nena ma rikimana hanua ɂohia kira rokorokoɂa hana oru tahana ni rato.

Tamana raena Paerati ɂe hana haɂaruhu ana raena kira, ɂe raitaɂania Parapasi hana ɂe ka ɂahuɂe. Ma ɂe iria hana hii mane hani ohota ka rapusia Tisasi. Ma puri ɂana rapusi ana ɂe siko, ma Paerati ɂe usumaɂania hana hii mane hani ohota ka musuria ana ɂai horo.