Папулярныя біблейскія вершы з Maki 12

Падзяліцца

Nena, ma Tisasi ɂe orisia ɂuriɂe, “Wara otooto ne ɂe taroriu ɂe ɂuriɂe, ‘Taɂaa ni Ɂisirere, ɂe hana ɂau ka panoro. Waratoɂo koru ɂe Araha, ma ɂi naia maraana ɂe Araha. Ɂe hana ɂo ko raetoɂo ana Araha ne ɂe Waratoɂo ɂo na. Ɂo ko tau ɂuna ana raemu haɂirau ma hiɂonamu haɂirau ma niɂiraeha ɂo haɂirau ma ɂokiraha ɂo haɂirau.’ Ma te ɂare ɂe ɂuriɂe, ‘Ɂe hana ɂo ko raetoɂo ana te noni mara ɂo raetoɂo ana ɂi ɂo maraamu.’ Te wara otooto ruɂu ɂe mae taroriua rua ɂare ɂaiɂe.”

Nena, ma Tisasi ɂe rokoa para ni mane naia ɂapina, ma ɂe naɂa tare kira ɂuriɂe, “Na ka naɂa teea tare ɂau noɂo. Keni ɂe nao ma ɂe maira ɂaiɂene, wawateha naia ɂe rete taroriua rikimana noni siko noɂo. Kira watea te hua ni ɂare ke ana toɂoɂareha kira na. Taɂa, ɂihaitaa keni ɂe nao ɂaiɂe ɂe maira, ɂe watea hautaɂai rikimana pata ɂe toɂo aɂi.”

Tisasi ɂe toɂoru ɂapina kesi hani watepataha hi raoɂi ana heheraɂa ana nima apunaɂa Waratoɂo, ma ɂe ka ririo soɂona taɂaa kira haɂe rukasia pata taina. Ma rautana noni, kira tariɂareɂa, kira rukasia pata ɂiwera raona kesi na. Ma te keni ɂe nao ma ɂe maira ɂe raa mai ma ɂe naɂia te rua peni puru naia ke raɂo.

Ma raetoɂoha noni hana Waratoɂo ana raena haɂirau ma manataha naia haɂirau ma ɂokiraha naia haɂirau, ma hana noni ɂe ka raetoɂo ana te noni mara ɂe raetoɂo ana ɂi naia maraana, ɂe sena ana Waratoɂo taroriua ruɂu rikimana rauta ni haɂaohona ma wate ana ɂare tarea Waratoɂo.”

Ma Tisasi ɂe iria hana kira ɂuriɂe, “Ɂau ka watea hana Sisa ɂare ɂi naia, ma watea hana Waratoɂo ɂare ɂi naia ke raɂo.” Nena, ma kira rahea rikaɂa, tamana ɂe mae teke ana raowaraha kira nena.