Папулярныя біблейскія вершы з Svun Mateo 28

Падзяліцца

Yech'o un ba pasic ta cajchanc'optac li crixchanoetic ta sjunlej balamile; ac'beic yich' vo' ta sbi ti Jtotic Rioxe xchi'uc ta sbi li Ch'amalile xchi'uc ta sbi ti Ch'ul Espiritue, chanubtasic ta xch'unel scotol ti c'usitic lacalbeique. Li vo'one chacalbeic ta jamal ti li' jchi'inojoxuc o ti c'u sjalil mu to'ox bu chlaj li balamile ―x'utatic yu'un ti Jesuse.

Ti Jesuse inopoj ech'el yo' bu li yajchanc'optaque, ja yech iyalbe chac li'i: —Li ac'bat xa scotol jyu'el ta scuentainel li vinajel balamile.

Li angele iyalbe li antsetique: —Mu me xaxi'ic. Jna'oj ti ja' chasa'ic ti Jesús ijoc'anat ta cruze. Mu xa bu li'i; icha'cuxi xa chac c'u cha'al iyal onoxe. La' q'uelavilic yo' bu istelanic to'oxe.

ja' yech i'albatic yu'un ti Jesuse: —Mu xaxi'ic. Ba albeic li jchi'iltaque, ti ac'u baticuc ta Galileae, Tey chc'ot staicon ―x'utatic yu'un ti Jesuse.

Ti totil paleetique istsob sbaic ta ora xchi'uc li moletique, co'ol isnopic ti c'usi tspasique. Iyac'beic ep taq'uin ti soltaroetique, tsots isc'anbeic vocol ti ja'uc yech ac'u yalic chac li'i: —Ti c'alal listsacoticotic vayel ta ac'ubaltique, ti animae ay sloq'uesel yu'un li yajchanc'optaque, chianic me —x'utatic. Ti mi iya'i li goviernoe, vo'oticotic xa chba jch'ul c'oponticotic yo' mu c'u xa xcha'leic oe —x'utatic. Ti soltaroetique ixch'amic li taq'uine, ja' yech iyalic chac c'u cha'al i'albatique. Scotol li jurioetique ja' yech chalic c'alal tana ti muc' xcha'cuxi ti Jesuse.