Папулярныя біблейскія вершы з Иак 3

Падзяліцца

Но кӱшыч толшо уш-акыл, эн ондакше, яндар, а вара тынысле, тыматле, мут колыштшо, чаманымаш да поро саска дене темше, еҥ-влакым ойыркалыдыме, сайла кояш тӧчыдымӧ.

Кӧ тендан коклаште уш-акылан да ушан? Тек уш-акылжым шкенжым сайын кучымо дене да уш-акыл гыч лекше тыматле пашаж дене ончыкта.

Тыныслыкым ыштыше-влакын тыныс дене ӱдымӧ саскашт – тиде чын ыштымаш.

Вет кушто кӧранымаш да шкалан тыршымаш, тушто шотдымылык да чыла тӱрлӧ уда паша.

Тудын дене Юмым да Ачам моктена, тудын денак айдемым, Юмо тӱсаным ыштымым, каргена. Тудо умша гычак моктымаш да каргымаш лектеш. Иза-шольым-влак, тыге лийшаш огыл!

Йылмат – тул, шоякын сӧрастарышыже. Тыге тудо кап ужашна кокла гыч уло могырым лавырта да, шкеже тамык тул дене ылыжынат, илыш оравам ылыжта.

А йылмым ик еҥат кид йымалныже кучен ок керт: тудо – кучен кертдыме осал, колымашым кондышо аяр дене темын.

Иза-шольо-влакем, шукынжо туныктышо лияш ида толаше. Мемнам, туныктышо-влакым, утларак пеҥгыдын судитлымым паледа.