Папулярныя біблейскія вершы з Иак 1

Падзяліцца

Иза-шольым-влак, кунам тӱрлӧ тергымашке логалыда, тидым кугу пиаллан шотлыза. Ӱшанымашдам тергыме деч чытымаш шочеш манын, те паледа.

А тендан кокла гыч иктаж-кудыжын уш-акылже ситышын огыл гын, тек Юмо деч йодеш. Тудо мом йодмыжым налеш, вет Юмо чылалан кумылын да шылталыде пуа.

Тыгеракын, йӧратыме иза-шольым-влак, тек кажне айдеме колышташ писе, ойлаш вашкыдыме, шыдешкаш вашкыдыме лиеш

Те чыла шотыштат тичмашлыкыш шуза да ситыдымаш деч посна лийза манын, чытымаш шке пашажым тичмашлыкыш шуктышаш.

Шомакым шуктышо лийза, а колыштшо веле огыл, нуно шкеныштым шке ондалат.

Тергымашым чытен кертше айдеме пиалан, вет тергымашым эртымеке, тудо илыш вуйшӱдышым налеш, тидым Господь Тудым йӧратыше-влаклан сӧрен.

Чыла поро да тичмаш пӧлек кӱшычын, волгыдо-влакын Ачашт деч, вола, Тудын дене вашталтмашат, весемме ӱмылат уке.

Вет кӧ шомакым колыштеш да ок шукто гын, тудо пӱртӱс пуымо чурийжым воштончышышто ончышо айдеме гай. Шке ӱмбакыже ончалмеке, тудо кораҥеш да могай улмыжым тунамак монда.

Юмым арун да яндарын пагалымаш Юмо да Ача ончылно теве мо лиеш: тиде тулык йочалан да тулык ӱдырамашлан орлыкышт годым полшымаш да тӱнясе шакшыланыме деч шкем аралымаш.

Алгаштарымашке логалмеке, Юмо мыйым алгаштара манын, тек нигӧ ок ойло. Юмым осаллык алгаштарен ок керт, Шкежат нигӧм ок алгаштаре. Кажным шкенжын сутланымыже алгаштара, тудым шупшеш да ондален конда.

Изиэш ужмо иза тек кӱкшытшылан куана