Папулярныя біблейскія вершы з PIANCILNA 8

Падзяліцца

TOPA in a namtui gimnam a zak ciangin, a lungsim sungah, “Mihing’ gamtatna hangin leitang ka samsia kik ngei nawn kei ding hi. Bang hang hiam cih leh mihing’ lungsim ngaihsutna pen a tangval lai panin a gi lo hi mawk hi. Tu-a ka hih bangin nuntakna a nei khempeuh zong ka susia ngei nawn kei ding hi. Leitung a omlai tengin, lo pawi hun le anlak hun, a vot le a sa, khuakhal le phalbi, sun le zan bei lo ding hi,” a ci hi.

Tua ciangin Noah in TOPA a’ ding biakna tau khat lam a, a siangtho ganhing khempeuh le a siangtho vasa khempeuh lak pan khat ciat la-in, biakna tau tungah meihal biakna a pia hi.

Ahih hangin Pasian in Noah le amah tawh teembaw sungah a om gamsate le innsate khempeuh a phawk hi. Pasian in leitungah huih nungsak a, tui a kiam hi.

Nitak ciangin ama kiangah a vakhu hong ciahkik a, oliv teh a tukkhiat thak khat a mukah petin hong tunpih hi. Tua ahih ciangin leitung panin tuite kiam khinta hi, ci-in Noah in a thei hi.