Папулярныя біблейскія вершы з PIANCILNA 50

Падзяліцца

Note in ahihleh, kei’ tungah a sia dingin na ngaihsun uh hi. Ahih hangin Pasian in tuhuna mah bangin mi tampite a nuntak theihna a pian nadingin a hoih dingin a ngaihsut ahi hi.

Ahih hangin Josef in amaute kiangah, “Lau kei un. Kei, Pasian’ za-ah om ka hi hiam?

Tua ahih ciangin lau kei un. Note le na tate uh a dingin an kong pia ding hi,” a ci hi. Amah in tua bangin kip gen pha kikin amaute a hehnem hi.

‘Josef kiangah hih bangin ci un: Na sanggamte’ thupalsatna le a khialhna na maisak in, kong thum hi. Bang hang hiam cih leh nang’ tungah amaute in siatna hong bawl uh hi,’ ci hi. Tua ahih ciangin tu-in nang’ tungah kong thum uh hi. I pa’ Pasian’ nasemte’ thupalsatna hong maisak in,” a ci uh hi. Amaute in ama kiangah tua bangin thu a gen ciangun Josef a kap hi.

Josef in a sanggamte kiangah, “Kei a si ding ka hi ta hi. Ahih hangin Pasian in note hong kem ding a, hih leitang panin amah in Abraham, Isaac, le Jakob tunga a ciamsa leitangah note hong paikhiatpih to ding hi,” a ci hi.

Tua ciangin Josef in Israel tapate’ kiciamna bawlin, “Pasian in note hong kem ding a, note in hih lai panin ka guhte na pua to ding uh hi,” a ci hi.

Tua ahih ciangin kum za le kum sawm a pha-in Josef a si hi. Amaute in a muat loh nadingin zatui tawh amah bawl uh a, Egypt-ah hankuang sung khatah amah kikoih hi.