Папулярныя біблейскія вершы з Hagayi 1

Падзяліцца

Paŋwa Tu BAŋA Wɛ ta maa we: Fɔge á maane á ŋwea wone se á nii ko na ye tei to. Abam ná yeini á du wo-dwa dedɛ, á wó zage fenfee mo. Abam seene á ba gae se á di. Ko nam na ye tei to, á ba fɔge á di á sui. Á jege na se á nyɔ, ye na-nyɔm ta jege abam. Gwaaro telo á na zoore á yera ne to maa ba kwoli á waaro. Á na toŋe se á jwoŋi ŋweero telo to ba fɔge te woli abam, ko nye de á kwei-te á ke gare-fɛɛla yalo na jege bɔɔna to wone mo.

Diini-na peero tem yuu ne á beeri da-ŋonno á ja á ba. Laam kwei-na-se á ma á fɔge á lɔ diga kalo amo yi na wo taa sui to, se á daare á ta‑á zuli-ne ka wone. Abam ya teene se á zage wodiu dedɛ mo, ye ko ji fenfee ko pa abam. Kolo á na maŋe á ja á zo diga to mo a fuli de vio a yage a daare abam. Bɛ mo ye a ke konto? Ko ye abam yia na seene á tete sam lɔɔm baŋa ne, ye á yage amo diga kam pa se ka ji di-dwoŋo ka zega to ŋwaane mo.