Папулярныя біблейскія вершы з Danyeli 9

Падзяліцца

A déem lwoori amo Tu BAŋA Wɛ Isarele tiina bam wɛleera ŋwaane ye a we: “Dé Teiru Wɛ, nmo ye kamunu mo, ye dé tiini dé kɔre‑m. N zege de chega mo n swono kom baŋa ne n swoi balo na swoi‑m ye ba tɔge n nia yam to, ne n na gwoni ni se n ke n pa-ba tei to.

Amo Tu Wɛ, pore n zwa se n cheigi, n daare n puri n yia n nii cham delo na yi debam to. Ko ná ye teo kolo ba na jege n yere ba bwoi-ko to, fɔge n nii ko na nɛ lɛɛro tei to! Ko nam dae debam totoŋ-ŋona ŋwaane mo dé ŋwane n yiga ne, se ko ye n na tiini n jege nɔɔna ŋwaŋa to ŋwaane mo. Dé Teiru Wɛ, cheigi debam wɛ-lworo kom, se n kwei dé wɛleera yam n chɛ debam. Dé Teiru Wɛ, cheigi dé wɛ-lworo kom se n toŋe! N tete zula ŋwaane, yé dáane se n ba n woli debam ba na jege n yere ba bwoi teo konto de ko nɔɔna bam to ŋwaane.”

Amo ma vo a ware a Teiru Baŋa Wɛ ye a ŋwane o yiga ne. A ta ma vɔ ni, a daare a zo gare-nyenyaaro ye a jei tentwarem wone wo-chechɔgɔ ŋwaane.

Dé Teiru Baŋa Wɛ, nmo nam ye ŋwaŋa tu mo, ye n kwei nɔɔna wɛleera n ma n chɛ-ba. Debam nam lɔge nmo kwaga ne.

Pa-dedɛɛro wom konto wó kwei da yarepɛ mo se o de nɔɔna dedɛ fɔge ba ke ni-sɛɛm daane. Ko nam ná maŋe de da yarepɛ yam chichworo, o wó che se ba yé ke kaanem de wodiu pɛɛra ba pa Wɛ. Ba laam maa wó kwei wo-zɔɔne delo na chɔge Wɛ yere to ba zo Wɛ wara-jei sem wone ba zege da jaja. Ko de maa wó taa wora taa, se ko yi maŋa kalo na maŋe se ba chɔge chɔgeno wom tete to, ne Wɛ boboŋa na jaane se ko ke tei to.”