Папулярныя біблейскія вершы з Lɔmukalu 3

Падзяліцца

kamasɔlɔn bɛ vɛ julumbu ta k'ai fo Ala ya magbiliyali la, bɛ do vɛ jate telenmande le aa nɛɛma dinin sabu la ka bɛn kunmakako ma, Masa Tɔɔmasenin Isa nanin min ne.

Wo le k'a fɔ ko Ala yi mɔɔlu kɛla telenmande le ka bɛn limaniya le ma Masa Tɔɔmasenin Isa ma. Wotɛbɔli tɛ je

Ala na ale le bɔla julumbu lɔkoto salaka le ka bɛn a jeli bɔnko ma, min yi se sɔlɔnna limaniya boloma. Wo ka kɛ Ala ya telenmandeya jiyako le lɔ, kamasɔlɔn kɔlɔkɔlɔ le, a tɛɛ a ɲa lagbanna mɔɔlu ya julumbulu kunna ka bɛn aa sawali ma. A na wo kɛla aa telenmandeya jiyako le lɔ waate min nɔ, ani k'a jiya ko telenmande le a le, a do yi mɔɔlu jatela telenmande le minu limaniyanin Isa ma.

Wo le n'a kɛla, mɔɔ mɔɔ tɛnala jatela telenmande le Ala ɲakɔlɔ ka bɛn seliya latelenko ma, kamasɔlɔn julumbu lɔnko yi nala seliya le fɛ.

A sɛvɛnin kitabu kɔnɔ tan ne, ko: «Mɔɔ foi telennin tɛ, hali mɔɔ den kelen gbu! Mɔɔ foi tɛ ko ɲayena, ani ai suu suu tɛ Ala ɲininna! Ai bɛ vɛ fili, k'ai kɛ nafandan ne kelen ne. Ai suu suu tɛ kokein kɛla, hali mɔɔ den kelen gbu!

Kamasɔlɔn mɔ lanin a la ko Ala yi mɔɔ jatela telenmande le limaniya le fɛ, wo tii ya seliya latelenko tɛ.

Ɛnɛn dɛ! Fɔ m'a lɔn Ala yi tuɲande le le, hali ni adamaden bɛ tɛɛ kɛ faɲafɔba le. A do sɛvɛnin tan ne kitabu kɔnɔ, ko: «Jo yi di i ma i kumakannu lɔ, i do yi see sɔlɔn iya kiti lɔ.»