Папулярныя біблейскія вершы з Lɔmukalu 1

Падзяліцца

Ǹ tɛ maloyala Samakan Kein ya ko lɔ, kamasɔlɔn Ala ya seetiiya le wo le min yi nala kisiko le Isa malimaniyamɔɔlu bɛ yɛ, ka damina Jahudiyalu ma ani siboloma gbɛlɛ mɔɔlu fana.

Kamasɔlɔn Samakan Kein y'a jiyala ko Ala yi mɔɔlu jatela telenmande le a ɲakɔlɔ boloɲa min ne ma. A da yi minala limaniya le ma dein, a do la yi banna limaniya le ma, iwo a sɛvɛnin teme kitabu kɔnɔ, ko: «Mɔɔ telennin kɛtɔ niimaya kɛla limaniya bolo le ma.»

Kamasɔlɔn ka ta dunuɲa dan waate ma, Ala kɛɲa minu tɛ se yena ɲa la: aa foniseleya banbali ni aa Alaya koni, wolu yi yena gbesekele ni mɔ k'i mili aa dannifennu ma. Wo le n'a kɛla, adamadennu tɛ se ai kumanɔbɔla.

Hali ai yi Ala ya ko kalama, ai ma magbiliyali di a ma iwo Ala, niwotɛ ka balika bɔ a yɛ. Mafɔ, ai hangili la ka gbasi, ado aiya hangilindanya vɛ ai bila divi lɔ.

Ai ka Ala ya tuɲa mafalin faɲa la, ka dannifennu bato ani ka baale kɛ wolu yɛ Dannimasa gbu nɔ lɔ, tanuli yi min yɛ kudein. Amiina!

Ala tonin haijɛnɛ ka aa mɔnɛya jiya ka bɛn adamadennu ya julumbu ni koyon bɛ ma, minu yi tuɲa doonna aiya koyonkɛ sabu la.

Wo le n'a kɛla, Ala k'ai bila ai jɛlɛ ma ko ai y'ai niikanukolu kɛ malobaliya boloma. Wo lɔ, aiya mosolu ma kafonɲɔɔya kɛ butu a kɛɲa ma, mafɔ ai ka kafonɲɔɔya kɛ i ɲɔɔ le fɛ. Kɛ́lu fana n'a kɛla wo boloɲa kelen ne ma. Ai ka mosoko to ten, ai kɛ́ ɲɔɔlu lɔɔ vɛ gbala ai la. Kɛ́lu ka malobaliyakolu kɛ ai kɛ́ ɲɔɔlu la, ka kolatɔn lase ai jɛlɛ ma iwo a bɛnnin ai ma teme ka bɛn ai filiko ma. Komi ai ma Ala lɔnko ta ko sɔvɛ le, wo le k'a kɛ, Ala k'ai bila ai jɛlɛ ma ai miliya kolonnu kɔ, fɔsa ai yi kolu kɛ minu man kan ka kɛ.

Ai tɛɛ a fɔla ai jɛlɛ ma ko hangilima, k'a talan ai vɛ kɛ hangilindan ne feu. Ai k'i ban habadan Ala magbiliyala, ka fen kaijakaijalu sawula bato, iwo mɔɔnivin satalu, ani kɔnɔlu, ani kolofennu, ani fɔnfɔnnifennu.