Папулярныя біблейскія вершы з Kɛkolu 9

Падзяліцца

Kɛɛ mɔ Tii k'a javi, a vɛɛ: «Taa vɛ! Kamasɔlɔn m̀'ɛ kɛ́ wo ta k'a kɛ ǹa bɔiden ne, fɔsa a yi siboloma gbɛlɛlu lalɔnni ǹ tɔɔ la, ani masakɛlu ni Bani Isilankalu.

A do k'i ben duu ma ka kumakan dɔ mɛn, wo vɛɛ a yɛ: «Sawuli, Sawuli, mindɛ lɔ i yi ǹ jangatala?» Sawuli vɛɛ: «Ǹ Tii, jene i le le?» A do ka Sawuli javi, a vɛɛ: «Ǹe le Isa le, i yi min jangatala.

Wo lɔ, Ananiya vɛ taala ka don bon wo la, k'a bolo la Sawuli kan, k'a fɔ a yɛ, a vɛɛ: «M̀ badenma Sawuli, mɔ Tii Isa min n'a jɛlɛ jiyala i la siya la, i tɛɛ nala jan waate min nɔ, wo le na ǹ lanala fɔsa i ɲa la yi ka kɔtunun, ani i josola yi fa Nii Sɛnɛyanin la.» Telemanin, fen dɔlu ka bɔ Sawuli ɲa ma, minu kɛnin tɛɛ iwo jɛɛ fala. A do ka se yeni kɛla kɔtunun. A wulinin, ai k'a mako ji kɔlɔ.