Папулярныя біблейскія вершы з लूका 8

Падзяліцца

अने हाजा धरतीपो पोडल्ये बी याआ अर्थ ओ जे माहहू जे हाजा अने खोरो मोनाकोईत वचन होमलित तियाहा ते ग्रहण पण कोअता फासी ते आपाआ धीरावाही फोल आपत्ले.

अने जेबी काट्यामेहे पोडये होय तियाआ अर्थ ओ होय काजे माहहू वचन होम्लाडित परंतु जांहा ते आपाआ वाटी जातेहे, तेहलाम चिंता धन अने जीवनोमे हुख दुख यामेहे दाबीन जातलेत्याआ उपो पक्को फोल आवीत नाहा.

जेबी खोडकावलो जमिनोम पोडये याआ अर्थ ओ होय जे माहहू जांहा वचन होमलित अने आनंदावाही ग्रहण कोअता परंतु तियाआ विश्वास मजबुते नाहाकोईत ते किबी टायमोपोजा विश्वास कोअता अने परीक्षा आवयी का विश्वास मेकीत नाहा.

अने तिये तियाहा कोयो तुमाआ विश्वास किही ओतु पोन ते बितगोये ओते अने विहरीत गोये ओते ते आपसामेहे कोयु, आखिर ओ होय तेबी कोडू जो वारू अने पाई बेनुहू आज्ञा आपी अने ते तियाआ होमलित लेदे.

जेबी वाटेपो पोडये ओते ते ओ माहहू होय का वचन होमलित तेहलाम शैतान आविलो तियाआ मोनोमरोत वचन काढीत लेहो यकोअता का ते विश्वास कोहू कायना अने त्याआं तारण ओवुहू कायना.

प्रकट उवे नाहा एहलो किबी टापित मेकल्ये नाहा, अने किबी उघडकीस आविलो एहलो किबी गुप्त नाहा

तिया स्त्रीने जांहा पालील्यो का आय निकाहू शकली नाहा तेहलाम ती कापीत येशुउ गूडाम आवयी तीही आखे माअहाआ आगाडी कोयु का आय तियाहा स्पर्श कोअयु अने केहलो लागेज हाजी उवी. यापो येशु कोयु बेटी, ताहु ताआ विश्वास हाजो कोल्यु होय शांतीई जा.

ते तियाआ जागे आव्ये तियाहा उठाडीत कोईत कोयु, “गुरुजी, आपु बुडूहु बाजीत रोल्या होय.” ताहा तो उठीत कोईत तिये वाराहा अने लाटांना धमकावयू अने ते थोब्यो अने तियाअ जागापो निवांत उवे.