Папулярныя біблейскія вершы з Amos 4

Падзяліцца

God tasol i bin wokim ol maunten na mekim ol win i kamap. Em i save long tingting bilong olgeta man. Em tasol i gat strong bilong mekim tudak i kamap tulait. Em i save wokabaut antap long ol maunten na bosim olgeta hap bilong graun. Nem bilong en i olsem, God, Bikpela I Gat Olgeta Strong.

Na Bikpela i tok olsem, “Mi bin bagarapim sampela bilong yupela olsem mi bin bagarapim tupela taun Sodom wantaim Gomora. Na yupela lain i stap yet, yupela i olsem wanpela hap paiawut paia i wok long kukim, tasol ol man i kamautim long paia. Tasol yupela i no tanim bel liklik. Nogat tru. “Olsem na bai mi mekim save long yupela ol Israel. Mi laik mekim olsem, olsem na yupela i mas redi long kamap long kot bilong mi, God bilong yupela. Mi Bikpela, mi tok pinis.”

Na Bikpela i tok olsem, “Mi tasol mi bin mekim dispela bikpela hangre i kamap long olgeta taun bilong yupela, na yupela i no gat kaikai. Tasol yupela i no tanim bel liklik. Nogat tru.”