Папулярныя біблейскія вершы з Markga 13

Падзяліцца

Egi harnaj hornishig‐hirekjanihawina rash harnira hawau, egi higu peshe hoshejainja hipa hiwanuxshagi hiungi e niaimb‐kjanena.

Hirakara‐uwine, hirakarawige egi gikarajwire, inke hiraperesni harajena jajanegi herekjanegi.

Eshi jaja harnini‐harairawigi egi nirushjare‐hirawigi, jagu hishekjawira inke jorni najge wojiwinianje, egi inke jorni wewi‐winianje, eshi higu jagurisha howagixeja hornikuinawigi she‐e hishekjawina. Inke ne hirat’at’awininana, eshi Naxirag Wakanjangra.

Maxira egi mara shejainekjanena eshi hoit’e harnira inke shejanikjanena.

Eshi hamb‐she‐e egi howagix she‐e inkisha hiperesnikjanena, inka‐a inke waxopiniwarajire wangregi herera, egi shige inke Hinig‐hirera, eshi Hianj‐hirerashana.

Egi jaja kissaire warnanaxguwigi egi kissa horag hirekjanena, inke naxirawinianje, washa de‐e harnaj jasgegi herekjanena, eshi hoshejara kheni hereni waunkjanena.

Esge hirakara‐uwine, inke hiraperesni harajawige, jajanagi jhi‐hirukanara kirikjanegi, hoxjarnanegi, nigeshge hahekissagki, nigeshge bagawaxgewangra xag‐jau, nigeshge haininegi. Nigete hawushiri kiriege, rana‐hashanak’u hinie’kjanihawina. Egi jagu hinigawire harnaj warnigawina, hirakara‐uwine.

Wankshig hokirajra hakiki‐rairekjanena, egi hungmara hakiki‐rairekjanena, egi mara hixgakjanena nigeshana, egi dokewehi hirekjanena egi hawera. Washa de‐e wonajgetegra hojikerera herekjanena.

Egi jorni worag‐phira jasgegi wankshig hokirajra harnaj wihokhuine‐kjanena.

Roha rash harnira harnijikjanena, wairekjanena: Kristus newinena, egi roha gishjanke hirekjanena.

Eshi hirakara‐uwianje, woehieja harnini‐hahirekjanihawina egi wohokhu‐hojhieja horniji‐hirekjanihawina. Egi washinukana jowehireja harnini‐hahirekjanihawina egi hung‐eja, rash harnira hawau, e wihohi hakikira kik’uinekjanena.

Krist woishjankera egi prophet woishjankera nashinekjanena, egi woijanti egi washa wowakanjank jantihirekjanena harnaj manuni wahirekjanena, gijainera reshge hirassa ruxurug hiregi.

Egi hambananka‐eja hawairega hageja, hambwira hokawais‐janena egi hahewira inke hohamb‐hinikjanena. Egi wiragoshge wangregi‐nagra shibrairekjanena, egi homashja wangregi herera hixgainekjanena.