Папулярныя біблейскія вершы з Matthaiga 5

Падзяліцца

Inke shige hisha hiratashakerehira daehigi egi wigus hokipi khuhainja kereninana, eshi hiratashakerehi hornashieja kerenana, egi jhieja jarnagakhi hatasha wagiginana. Deshesge‐hiwire hohamb washiniwira wankshig jowehireja hatasha wakarakerewire, worephi washiniwira warnigija‐hirekjawina egi Hianjrawiga wangreginagre sharajangikjawina.

Managre hohamb harnira neninewina, jhinagra hisha xe‐hihageja minagkhi inke nuxawa ruxurugninana.

Wogishawarnankshana najge‐sgera, Maura hajairekjanege.

Wogishawarnankshana jarnaga washophi dokewehira egi washophi iwusra, wainaj‐hirekjanege.

Eshi hinigawina: Hornishig‐hirawira wawogixetewiaje, washophi howe warogiguwiaje washoshishig‐howe ronigigu‐nangwigi, egi phiwagigiwiaje hornishig‐hirawigi egi gikaraj wagigiwiaje jarnaga washanigishgashgahirawigi egi hinigishana hirawigi.

Wogishawarnankshana naxirag wanajojaisgera, hungma wangregi herera earninege.

Wogishawarnankshana rashguni khiwahira, Maura ninkjang warnira wawigairekjanege.

Wogishawarnankshana jarnaga najgetegra, warukheghirekjanege.

Wogishawarnankshana jarnaga washophi hawau wawigishananankhi, hungma wangregi herera earninekjanege.

Wogishawarnankshana najwojankera, najwojaine kiruxurug‐hirekjanege.

Wogishawawiaje jaja wankshigra najinisgi hirawigi egi hinigishana hirawigi, egi washa wowonk hokiraj hinigairekjanihawina Ne hawau. Wogishawawiaje egi mashja giphiwianje, wangregi woirowe hashiniwira rokanankshana; deshesge prophetra wawigishana hirena e jowerawiregi hajirera.

Wogishawarnankshana xunu‐hakikaranira mara harninekjanege.

Managre hisguhira neninewina, eshi nisgura hosgura gixawarnigi jaguisha hisguhiranashe, epa inke washiroku phiraninana, eshi jangra hot’une hiranana egi wankshig warnashi hiranana.

Esge wogisogji phiwianje, Hianjrawira wangreginagre wogisogji phinagra shesgawiaje.

Eshi hirat’et’egi waje hojia, hojia, Inkaa, Inkaa. Jagurisha hiraijaira hishegi she‐e washoshishig hikjanena.

Nanaxguwina wairena: Hisha hishjasura higishanagi, hishge hishjasura hisha higishanainekjanena, egi hisha hira higishanagi hishge hira hisha higishanainekjanena. Eshi hinigawina: Inke wowongra wajiswinianje, eshi higu peshe iro sanig hoishoro hashinira hojingi, sanigra hishge hija hagarnianje.

Egi hishjasu hoishoro hashiniwira washa wowonkunigi, rushorojanaga egi nigehot’unaje, e hiraijera niphinkjanena waisa washinira hisha d’egi egi inke ro hashinira harnaj pej‐shishigeja hot’unairanigi. Egi nab‐hoishoro hashinira washa wowonk unigi, gikunugaje egi nige‐hot’unaje, e hiraijera niphinkjanena waisa washinira hisha d’egi egi inke ro hashinira harnaj pej‐shishigeja hot’unairaninana.