Папулярныя біблейскія вершы з Matthaiga 24

Падзяліцца

Egi wigishanara rohankjanege, esge worohanka howoxete harninera rashjainekjanena. Eshi hisha hoshejainja hipa hiwanuxshagi hiungi, e niaimbkjanena.

Egi hungmara woragphi harnira managre harnaj hihokhuinekjanena e wankshig‐hokirajra harnaj wihowagigikjanena, egi hoshejara jikjanena.

Egi kisaire warnanaxgu‐kjanihawina egi kisarnank horaghirekjanena. Horuxujwire egi inke naxirawinianje. Washa de‐e harnaj jasgegi herekjanena, eshi hoshejara kheni hereni waunkjanena.

Wankshig hokirajra hakikirairekjanena, egi hungmara hakikirairekjanena, egi dokewehi hirekjanena, egi Pestilensra egi mara‐hixgakjanena ningeshana. Washa de‐e wonajgetegra hojikerera herekjanena.

Maxira egi mara shejainekjanena eshi hoit’e harnira inke shejanikjanena.

Egi roha rash harnira hiunjikjanena, wairekjanena, Kristus newinena. Egi roha gishjankerekjanena.

Egi nirushjare hirekjanihawina hawewahieja egi d’eninekjanihawina egi wankshig‐hokirajra harnaj hornish’ighirekjanihawina, rash harnira hawau. Egi roha watoxinkjanena egi himakirag‐hirekjanena egi hokish’ig‐hirekjanena. Egi prophet woishjankera roha nashinkjanena egi roha gishjankerekjanena.

Egi Jesus horniharna egi wawagena: Hirakarauwine inke hisha nigishjanke‐nikjawina.

Esge nishge hikoroho‐hajanje, howagixra hisha‐eja inke shesge shewewini‐harajau Wankshig‐hinigra jikjanena.

Esge hirakara‐uwine, inke hiraperesni‐harajena Hirukana hashiniwira howagix hajinja jikjanegi.

Eshi hamb‐she‐e egi howagix‐she‐e inke hisha hiperesnikjanena, inkaa, inke waxopiniwarajire wangregi herera hiperes‐hiranikjanena, eshi Jajiga eshana.

Egi Kristi woishjankera nashinekjanena egi prophet woishjankera nashinekjanena egi washa woijanti egi wowakanjak rokana jantihirekjanena, ruxurugphingishi gijainera waishjanke hiranana.

Eshi Noah hamb warnieja wauinera shesgekjanena, hishge shesgekjanena Wankshig‐hinigra jikjanegi. Wankshignaka jasge hiranihera hamb‐eja kheni ninjara jini, waruj‐hirena, rajgainena, kikanag‐hirena, egi kikanag‐wagigi‐hirena, Noah waj‐eja hoikewera hambejipa, Egi inke washara hisha hiperes‐ninank’u, ninjara jina egi harnaj warninena, hishge shesgekjanena Wankshig‐hinigra jigi.