Папулярныя біблейскія вершы з Lukga 7

Падзяліцца

Esge hinigena: Hinugnagre washa woishana warnira rohana wagit’unairena, wogixetera rokanage esge. Eshi hisha jowexjinig git’unegi, e jowexjinig wogixetenana. Egi Jesus hinugjega wegena: Washa woishana washinira warnigit’urairena.

Egi Jesus hinugjega wagena: Harnaxgu hashinira waunge wankshig‐shina, rashguni karare.

Egi si hieja nanke eja nashina xagjena, egi sira girusha jirena hishjanina hik’u, egi giwasharna hinugjega naju harnira hik’uanaga egi sira iokiwankshana, egi wikini panna phi hawaxuna.

Inke washahiakisgarni hiarege esge inke nexji hiranihinina, eshi hoit’era hisha arnaga, egi ware harnira rushjankjena. Egi hishge wankshig hirukanaine harnina, manape hirukana hingigirena, egi hisha rare hiagega, egi reshununa, egi hijanera hisha hure hiagega egi hushununa. Egi ware harnira de‐e une hiagega, egi u‐shununa. Jaja Jesus washa de‐e naxgungi xixshana egi hakja hopahi nashina egi wankshig hironagnanka wawagena: Hinigawina Israelregi reshge inke hisha harnaxgu rokana shesgera hisha hiaenina.

Egi howagixeja howashara roha rushjahina egi howashaisgejara egi naxirag shishig harninegi, egi roha hishjarningra waja hina. Egi Jesus horniharna, wawagena: Karawire egi Johnga hogiragwiaje washa jagu hashjawire egi nanaxguwine. Hishjarningra wajairare, maninushagra manirare, lepra rushjairare, nuxningra warnaxguirare, d’era kikawaairare, wanajojaisgeja worag phira wihokhunangikjanena.