Папулярныя біблейскія вершы з Maˍkuˆ 10

Падзяліцца

Aˉ mae yao nae baoˉ vaˍ, Changˉ maˇ yang saˍ laiˍ hao na kanˉ caiˍ yaiˍ ceuˉ nae baˍ aˍ lui jiˉ. Hao caiˍ yaˍ naeˍ uiˉ saˍ laiˍ lui yao changˉ ang byaˍ na htaiˍ awkˍ naeˍ uiˉ saˍ laiˍ yang beu a sak hingˉ ta ta piˍ naeˍ nae ha biˍ jiˍ.

Yeˍsuˆ yawng na hu yao ciˍ sangˍ jiˍ. Changˉ nawˍ ningˉ na baˍ ha hkiˍ. Hta yao muiˉ, Hpaˍcaoˍ baˍ ha hkiˍ nae uiˉ aˍ htiˍ ceuˍ baˍ ca. Hpaˍcaoˍ nawˍ hkaˉ hko laˉ hko na ang taeng hkiˍ yaˇ nae ha biˍ jiˍ.

Yeˍsuˆ mangˉ muiˉ aeˉ bao. Nang yumˉ saˉ naeˉ hingˉ nang na taeng pyo laˍ byaˇ nae ha biˍ jiˍ. Haeˉ mae beu, tiˍ chitˍ nae mi nuing myangˉ laˉ laeˍ yao, Yeˍsuˆ nawngˍ veu hkeˍ yao lae jiˉ.

Hingˉ pa nae yao, Ang suingˉ Hpaˍcaoˍ piˉ yuˉ lang yao saˉ caˉ chiˉ biˍ jiˍ hingˉ na changˉ baˍ yuˍ hpakˍ biˍ jo nae ha biˍ jiˍ.

Yeˍsuˆ yang na hu yao hak naeˉ nuing ba ca yao, Nang hkaoˉ veu htiˍ ceuˍ loˉ suiˍ naeˍ. Nang beu ang keungˍ hkaˉ ca naeˉ uiˉ kawngˍ hko aeˉ yao changˉ ang saˍ ang baeˍ uiˍ na piˍ vo. Haeˉ mae ha baoˉ vaˍ, buingˍ htaˍ ang meungˉ veu ang keungˍ ang kawˉ ang paengˉ na ya naeˉ yaˇ. Peunˉ na yao, ga nawngˍ veu hkeˍ lao nae ha biˍ jiˍ.

Yeˍsuˆ maˇ, Nang saˍ laiˍ ba ceuˉ ha lao nae naˉ jiˉ. Mae paw maˇ, Ang suingˉ veuˉ, ga mi nuing myangˉ laˉ naeˉ uiˉ saˍ laiˍ nang na piˉ taeng laˍ siˍ naeˉ nae ha biˍ jiˍ.

Nawng hkaoˉ veu ningˉ mae baˍ ya hpeuˍ biˍ. Nawng hkaoˉ veu huiˍ law siˉ naeˉ maˇ nawng caiˍ yaˍ soeˉ yaˍ naeˍ uiˉ ya hpeuˍ naeˍ.

Ga nawng na maˉ manˉ nae hkai hkaemˍ laˍ vaˍ. Ang suingˉ Hpaˍcaoˍ beu ang meungˉ hingˉ na yaˍ ke htiˍ hu mangˉ laˉ mae baˍ hap yuˉ nae baoˉ vaˍ, ang meungˉ hingˉ hkaoˉ veu baˍ ya awngˉ lae nae ha biˍ jiˍ.

Caˇ, kaˉ hu veu uiˉ aˍ kaˉ nawngˍ kaˍ lin veu hpeuˍ yao kaˉ nawngˍ liˍ lin veu uiˉ aˍ kaˉ huˍ kaˍ lin veu uiˉ ya hpeuˍ naeˍ nae ha biˍ jiˍ.

Hta yao muiˉ, tawngˍ hpanˍ ngangˍ beu Ang suingˉ Hpaˍcaoˍ nawˍ yawng na kaˍ hpaˍ yaˍ nae hkaˍ ba yaˍ yaˉ yetˍ na taeng jiˉ. Hingˉ pa nae yao, kaˍ hpaˍ yaˍ nawˍ yang muing yang vangˉ na hpakˍ nga saˍ yao, yang hkaˍ ba kawngˉ htuˍ yaˍ laˉ mae ya ca naeˉ. Yaˇ yetˍ nyiˍ hu aˍ htiˍ saˍ htiˍ hu naeˍ yaˇ hpeuˍ naeˍ. Hingˉ pa nae yao, yaˇ yetˍ nyiˍ hu aˍ nyiˍ hu baˍ aˍ laˇ. Caˇ, htiˍ saˍ htiˍ hu naeˍ naˇ.