Папулярныя біблейскія вершы з Zacarías 9

Падзяліцца

Muyubajan no'ox ta j'ech'el, jteclum Sión. Q'uejinan no'ox ta muyubajel, jteclum Jerusalén. Ti ajvalil avu'une, tuc' sjol yo'nton tal ta atojol ti tsalvanem xa talele, peq'uel yac'oj sba ti cajal talel ta burroe, ja' ti ta jcot uni ch'in burro ti ja' yol jcot me' burroe.

Ti stuque ja' ta slilinbe scarretatac ti Efraine, ti ca'etic yu'un ti jteclum Jerusalene, xchi'uc ti ac'ob-leto yolob yu'une. Yu'un ta scaj'al ti ta slamajes c'op yu'un ti muc'tiquil lume. Ta jujujot to nab, ta xc'ot yu'un ti ta xventainvane; ta xlic yu'un ta uc'um Eufrates, ti ta xc'ot ti bu xa c'alal jujuti' oy ti banomile.

Ti jech c'ac'al taje, ti Ajvalil ti ja' Dios yu'unique, ta spoj loq'uel ti steclumale jech c'u cha'al ti jq'uel-chij ta spoj ti xchijtaque, yu'un xlaplun no'ox xojobaltac ti yu'untac ta steclumal stuquique, co'ol jech c'u cha'al c'upil sba tonetic ti yich'oj ti jun ronae.