Папулярныя біблейскія вершы з San Mateo 7

Падзяліцца

“C'anbeic ti Diose, ta xac'boxuc. Sa'ic, ta xataic. Tijic ti ti'nae, ta xajambatic.

Ti buch'u ta sc'ane, ta x'ac'bat. Ti buch'u ta sa'e, ta sta. Ti buch'u ta stij ti ti'nae, ta xjambat.

“Ti buch'u ta xchiquinta xchi'uc ta spas ti c'usi ta xcale, co'ol s'elan jun bijil vinic ti laj smeltsan sna ta ba tone.

“Ja' yu'un un, mi ta xac'an ti lec ta xaspasboxuc ti achi'ilique, lec me xapas abaic ta stojolic. Taje, jech ta xchanubtasvan smantal ti Moisese xchi'uc ti c'u s'elan laj sts'ibaic comel ti j'alc'opetique.

Ja'uc ti sti' sbelal cuxlejale, mu jamaluc, toj biq'uit, jutuc ti buch'utic ta staique.

“Ochanic batel ta uni biq'uit ti'na, yu'un ti sti' sbelal ti ch'ayele, toj jamal, toj muc', toj ep ti buch'utic ta x'ochic batel ti bu taje.

Manchuc mi toj chopoloxuc un, xana'ic lec st'ujel c'usi ta xavac'beic ti anich'onique. ¡Ti Jtotic ti oy ta vinajele, x'ech' to ta xac'boxuc ti c'usi leque!

Ti Jesuse xi laj yale: —Mu xavac' ta chapanbel smul ti yane yo' mu xata chapanel yu'un ti Diose. Ti c'u yepal ta xachapanbe smul ti yane, jech yepal ta xchapanot ti Diose. Ti c'u yepal ta xapasbe ti yane, ja' jech ta spas ti Dios ta atojolique.

Ja'uc ti buch'u ta xchiquinta ti mu spas ti c'usi ta xcale, co'ol s'elan jun vinic ti mu'yuc sbijil ti laj smeltsan sna ta ba yi'e.

¿C'usi xavut xavil ti uni juteb c'a'ep ti oy ta sat ti achi'ile ti ja' mu xavil ti xchumanil c'a'ep ti oy ta asate? Mi oy ti xchumanil c'a'ep ta asate, ¿c'u cha'al ta xavalbe ti achi'ile: ‘Jloq'uestic ti uni juteb c'a'ep ti oy ta asate?’

“Bijanic yu'un ti jlo'lavanejetic ti ta xalic ta xc'opojic ta sventa ti Diose, ti co'ol chij ti stalelic yilele. Ti yut yo'ntonique, jti'oval-oq'uil ta j'ech'el. Ta stalelic no'ox xavojtiquinic ti c'u s'elan ta spasique. Yu'un ti ch'ixe mu xu' ta xac' uva ti sate. Ti tsucum ch'ixe mu xu' ta xac' icux ti sate.

Scotol ti bu lequil te'e, lec ta xac' ti sate. Ti chopol te'e, chopol ta xac' ti sate.

Ti lequil te'e mu stac' chopol ta xac' ti sate. Ti chopol te'e mu stac' lec ta xac' ti sate.

Scotol te' ti mu lecuc ta xac' ti sate, boj xi loq'uel, chic' xi ta c'oc'.