Папулярныя біблейскія вершы з Jonás 4

Падзяліцца

Xi lic c'opojuc ti'inuc ta stojol ti Diose: “Q'uelo avil, Cajval, yu'un ja' no'ox jech laj cal ti jech ono'ox ta xc'ot ta pasel c'alal tey to ox oyun ta jlumale. Jech o xal ta jc'an ox ta xijatav batel ta anil ti ta jteclum Tarsise. Yu'un jna' lec ti ja' jun Diosot ti oy sts'iquemal xcuchemal avu'une, ti mu xana' xa'ilin ta anile. Ac'o mi xacaj'al xtoc ti ta xatsitsvane, ts'acal to un, ta xasutes aba ta sventa ti mu no'ox albajuc ti syail xc'uxul avo'ntone.

Va'i un, xi albat yu'un ti Diose: “Ma'uc laj ats'un ti jpets uni te'e. Mi ja'uc laj ats'ites. Ta jun no'ox ac'ubal, voc' talel. Ta yan xa ac'ubal, c'ot ta taquijel. Manchuc mi jech un, mu xnel, mu x'ech' ta xava'i yu'un ti jech taquije. Le' ec une, x'ech' to sc'oplal ta xca'i ta xc'uxubaj co'nton yu'un ti muc' ta jteclum Nínivee, ti x'ech' to ta vacvinic ta mil (120,000) ololetic ti mu to xa'ibeic smelol ti osil banomile, xchi'uc ti epal chon bolometique.”