Папулярныя біблейскія вершы з Oseas 9

Падзяліцца

Ti jteclumale mu'yuc xloc' x'ayan ta yo'ntonic ta yich'el ta muc' ti Dios cu'une. Jech o xal ti Dios cu'une ta sten batel, ti yalel muyelic ti tan puc batel ta jujun muc'tiquil lumetique.

Altic no'ox ti xlaet ta xava'i, Israel. Ma'uc ti xabit xa ta muyubajel jech c'u cha'al ta spas ti yan jteclumetique. Laj avalopatin comel ti Dios avu'une, ta scoj ti laj avac' aba ta stojol yan ti yepaluc ye'el ac'ob ta yich'el atojol ta majob trigoe.

C'ot xa sc'ac'alil yorail ti tsitsele. C'ot xa sc'ac'alil yorail ti ja' xtunic o ta stojic ti c'u yepal xu' ta xich'ique. Israel, ta xlic ana'ic ti bu c'alal c'otemoxuque. Ti vo'oxuque xachi ta xavalique: “Ti j'alc'ope, jeche' no'ox bol ti yuni c'ope. Ti vinic ti buch'u ventainbil ta xale, chuvaj no'ox ti yuni c'ope.” Ti va'i s'elan ta xavalic taje, ja' ti epajem ta atojolic ti achopolalique, yu'un mu no'ox albajuc ti sti'emal ajolique.