Папулярныя біблейскія вершы з Luku 6

Падзяліцца

Ka kɔn gɔ ka màn nɛ, ka zɔɔ̃ a dɔ, ka zɔɔ̃ ka munyəə, ka zɔɔ̃ ka zuzuu. Lawa wɔ a zɛnaa ǹ gɔn nɛ ka bɛ nɛ. Ka bɛ́ ka miãn gɔ ǹ màn zoɛ̃ màn mɛn ganaa, Lawa á die ka dɔn wɔ zoɛ̃ ka bɛ lɛ nɛ.»

Min sonbore n bǐɛ̃ zɛnɛɛ, a giala a gɔ́ɔ̃ n fu, min baraa dɔ n baraa zɛnɛɛ, a giala a gɔ́ɔ̃ n tì. Min gɔ́ɔ̃ bɛ́ á pã ka boo mɛn nɛ, a lɛ n bɛ lɛ diɛ.»

Sɛnɛ, bɛ̀ ka tá li ka n baa Lon a Lawa Gole a nɛnyaanan lɛa sonbore, ka saraa gole yɛ, ka siin kɛn zɛnaa: Ka kaa zɔ́ɔn narɛ, ka bǐɛ̃ zɛnaa, min mɛnɛn bɛ́ pàã ba ǹ lon ǹ giɔ̀mɔ dòo saraa wa, ka giɔ̀mɔ da bɛn-a, a giala Lawa lɛ sɛ n bǐɛ̃ zɛnɛɛ bǐɛ̃-doɛ̃ baãnaan laanka min baraan manɛ.

Ka makara bɔ kɔn-a, ka kaa Díi Lawa bɛ́ makara doɛ̃ lɔn.

«Ka baran ka miãn zɛ̀rɛ baa wa, Lawa a re ka zɛ̀rɛ biɛ wa. Ka baran dɔlɔ da kɔn mìi-n wa, Lawa a re dɔlɔ diɛ ka mìi-n wa. Ka zɛ̀rɛn toa kɔn nɛ, Lawa á die ka zɛ̀rɛn toɛ ka nɛ.

Yezu pɛ: «Sɛnɛ, masɛ n pii ka nɛ, kasɛn mɛnɛn bɛ́ n too koe ma lon, ka kaa zɔ́ɔn narɛ, ka bǐɛ̃ zɛnaa kaa baa zɔ́ɔbaa wolen manɛ. Min mɛnɛn bɛ́ n liɛ ka li, ǹ mɛnɛn dɔn bɛ́ boe ka yii ni, ka Lawa nyankɔ bɛn lɛa Lawa bǐɛ̃ zɛnaa ǹ nɛ.

Ka bɛ́ zoɛ̃ mà minin nə sii zɛnaa ka-n lɔn, ka dɔn nə zɛnaa ǹ nɛ miɛ̃.

Bɛ̀ min nə́ n gɔn tɔ n para-n, a goon kɛ dɔ dia la. Bɛ̀ min nə́ n dɔnkɛ gole si n la, a giulun wɔ boɛɛn kɛ dɔ bɔ n kɔ la. Bɛ̀ min nə́ màn nyankɔ n la, a kɔ la. Bɛ̀ min nə́ n gɔn màn si n la, n baran wo liɛ la wa.

Yezu wusoo doo á pɛ: «Da sonbore kɔ́n ba nɛ baraa koe wa. Da baraa kɔ́n dɔ a nɛ sonbore koe wa.

Da gogoonmaa nə n doɛ̃ a din a nɛ li. Min ba gɔ́rɔ nɛ niɛ̃ nyan da ganaa wa, n ba too nɛ niɛ̃ sɛmɛlɛ da ganaa wa.